Казахстан гатовы прадаваць нафту Беларусі пры ўмове выплаты экспартнай пошліны. Пра гэта паведаміў сёння журналістам віцэ-міністр гандлю і інтэграцыі Казахстана Кайрат Тарэбаеў, піша Interfax.by.
«Наша краіна, калі экспартуе нафту, выкарыстоўвае мытную пошліну. На нафту яна ў памеры $60 за тону і каля $30 — за перапрацаваны прадукт», — адзначыў Кайрат Тарэбаеў.
«Беларусь, у выпадку заключэння пагаднення, павінна будзе прымяняць такую пошліну, каб не было свайго роду ператокаў з Казахстана ў ЕC праз Беларусь. Так, мы гатовыя прадаваць нафту ў Беларусь з экспартнай пошлінай», — удакладніў віцэ-міністр.
«Мы павінны засцерагчы свой рынак, каб не было рээкспарту», — дадаў ён.
Віцэ-міністр растлумачыў: «Пытанне ў тым, што ў нас ўнутраная цана на газ субсідуецца з экспартнай мытнай пошліны на нафту. Мы лічым, што калі мы не будзем выкарыстоўваць гэты механізм (продажу нафты ў Беларусь з пошлінай), то гадавыя страты складуць прыкладна $200 млн пры пастаўцы за 3,5 млн тон нафты».
Між тым, паводле яго слоў, «пагадненне павінна быць заключана, гэта ў інтарэсах абодвух бакоў». «Мы спадзяемся, што беларускія калегі змогуць правільна адміністраваць працэс, г. зн. гарантаваць, што не будзе рээкспарту нафты і нафтапрадуктаў», — сказаў Тарэбаеў.
«Казахстану патрэбна гарантыя, што нафтапрадукты, якія будуць выпрацаваны на беларускіх НПЗ з казахстанскай нафты, будуць спажывацца выключна на ўнутраным рынку», — адзначыў віцэ-міністр, каментуючы сутнасць адміністравання.
Паводле яго слоў, «трэба выпрацаваць спектр ўзаемапрымальных рашэнняў, напрыклад, рабіць балансавы аналіз (паставак нафты і спажывання нафтапрадуктаў) — як і куды гэта ўсё спажываецца».
Паводле яго слоў, «нашы каманды працягваюць дыялог, і мы чакаем ад беларускіх калег працоўнага механізму — усё залежыць ад гэтага». «Цi беларусы будуць купляць нафту з пошлінай або без пошліны, але з гарантыяй адсутнасці рээкспарту. Можна і так бы сказаць», — дадаў ён.
-
«Мая праца згарэла». Беларускія бізнэсы страцілі тавар на складах Wildberries, але маюць больш шанцаў на кампенсацыю, чым расіяне
-
20 літраў у бак і ніякіх каністраў? Ці сапраўды на беларускіх запраўках на мяжы з Расіяй увялі ліміты на бензін
-
Кітайскі стартап выпусціў ШІ-мадэль, якая абышла амерыканскія аналагі
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары