У сталічнай арт‑галерэі «Падземка» адчынілася персанальная мастацкая выстава Адама Глобуса.
У сталічнай арт‑галерэі «Падземка» адчынілася першая пэрсанальная мастацкая выстава Адама Глобуса.
Літаратар і кнігавыдавец прымеркаваў гэтую падзею да выхаду сваёй новай кнігі «PLAY.BY».
Распачынаючы імпрэзу, Адам Глобус быў ляканічны. Каштоўнасьць новай кнігі, якая нядаўна пабачыла сьвет у прыватным выдавецтве Ігара Логвінава, па словах спадара Глобуса, у тым, што яна выяўляе дачыненьні аўтара з расейскай культурай. На просьбу патлумачыць, што ён меў на ўвазе, Адам Глобус сказаў:
«Ад яе трэба нам, усім беларусам, адмовіцца. Яна для нас — не эталён больш».
Мяркуючы з попыту на імпрэзе на «PLAY.BY», гэты пасыл аўтара дадаў прысутным чытацкай інтрыгі. Тым больш, што Адам Глобус не хаваўся за сьціплымі словамі самаацэнкі сваёй значнасьці ў беларускай культуры: «Сябе я ацэньваю добра. Можа, таму, што я — эгаіст, а можа, таму, што я цяпер — у добрым творчым стане».
Выстава Адама Глобуса ў «Падземцы» будзе доўжыцца да 20 красавіка.Тамсама ў кнігарні можна набыць ягоную новую кнігу «PLAY.BY» і іншыя выданьні беларускіх літаратараў.
Каментары