1,5 года хіміі і канфіскацыя iPhone. У Гродне за пост у сацыяльных сетках асудзілі жанчыну
Анастасію Каламейчанка судзілі 20 красавіка ў судзе Кастрычніцкага раёна за абразу міліцыянткі. Суддзя Маргарыта Ланцэвіч прысудзіла гродзенцы 1,5 года хатняй хіміі. У яе таксама канфіскуюць сродак здзяйснення правапарушэння — iPhone, піша Hrodna.life.
Анастасію Каламейчанка асудзілі па арт. 369 КК — абраза прадстаўнікоў улады. У сваіх сацыяльных сетках Анастасія размясціла пост з фотаздымкам супрацоўніцы гродзенскага АМАПа Дар'і Бандарчук. Суддзя палічыла, што змест паста абражае міліцыянтку.
У Анастасіі двое дзяцей — 5 і 7 гадоў. У снежні жанчыну затрымалі ў кватэры і на трое сутак змясцілі ў ізалятар.
Судовы вырак Анастасія Каламейчанка будзе абскарджваць.
Каментары