У Расіі хочуць засакрэціць даныя аб сем'ях загінулых ва Украіне вайскоўцаў
Мінабароны Расіі просіць урад перадаць ваенкаматам паўнамоцтвы па выдачы пасведчанняў члена сям'і ваеннага, які загінуў на вайне ва Украіне. Пра гэта гаворыцца ў праекце пастановы, якую падрыхтавала ведамства. Увагу на яе звярнула руская служба BBC.
Выданне піша, што даныя пра загінулых вайскоўцах пры правядзенні «спецаперацый» яшчэ з 2015 года сталі дзяржтаямніцай, але льготы членам сем'яў загінулых афармляюць пенсійныя фонды і раённыя адміністрацыі, якія рэгіструюць выдадзеныя пасведчанні ў спецыяльных кнігах уліку. Мінабароны просіць урад перадаць гэтыя паўнамоцтвы ваенкаматам.
У тлумачальнай запісцы да праекта гаворыцца, што засакрэціць даныя неабходна «ў мэтах абмежавання кола асоб, якія маюць доступ да звестак пра членаў сем'яў ваеннаслужачых Узброеных сіл РФ, якія загінулі (памерлі) пры выкананні задач у ходзе спецыяльнай ваеннай аперацыі на тэрыторыях Украіны, ДНР і ЛНР».
Цяпер імёны загінулых ва Украіне расійскіх вайскоўцаў раскрываюць рэгіянальныя чыноўнікі і самі сваякі ці сябры. Мінабароны не публікуе спісы. Апошні раз у ведамстве рабілі справаздачу аб стратах 25 сакавіка, паведаміўшы пра гібель 1351 ваеннаслужачага.
У Генштабе Украіны сцвярджаюць, што да 19 красавіка колькасць загінулых расійскіх вайскоўцаў перавысіла 20 тысяч.
Кубань, Татарстан, Самара, Ніжневартаўск — па ўсёй Расіі хаваюць загінулых ва Украіне вайскоўцаў
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары