«Бізнэс знойдзе шчыліны». Міністр сельскай гаспадаркі пра заходнія камплектуючыя для тэхнікі
Міністр сельскай гаспадаркі і харчавання Беларусі Ігар Брыло пракаментаваў, выступаючы ў праекце «У тэме» на YouTube-канале БелТА, залежнасць сваёй галіны ад імпарту тэхнікі і камплектуючых да яе.
Паводле Брыло, імпартная залежнасць у беларускай сельскай гаспадаркі ёсць, але яна, маўляў, невялікая. «Па трактарах у нас 4% імпарту, 12% — па кормаўборачных камбайнах, 20% — па збожжаўборачных камбайнах», — сказаў міністр. І дадаў, што за кошт беларускай тэхнікі паступова гэтыя паказчыкі змяняюцца.
«Хоць ёсць некаторыя вузлы абсталявання ў перапрацоўчай галіне, якія пакуль замясціць складана. Але спробы рабіць трэба», — лічыць міністр.
Як звычайна, усе надзеі на Расію, з якой узгоднены пакет па імпартазамяшчэнні на 1,3 млрд даляраў, пераважна ў машынабудаванні.
Увогуле, Ігар Брыло ўпэўнены, што імпартныя пазіцыі па запасных частках да тэхнікі ў Беларусі не прападуць. Неабходныя камплектуючыя, маўляў, так ці інакш завозяцца ў краіну, таму што «бізнэс знойдзе шчыліны, якія яму трэба».
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары