Газета Wall Street Journal паведаміла са спасылкай на інфармаваныя крыніцы, што Адміністрацыя Прэзідэнта ЗША вырашыла не перадаваць Кіеву сучасныя ўдарныя беспілотнікі Gray Eagle MQ-1C — хоць пра гэта неаднаразова прасіла сама Украіна і члены амерыканскага Кангрэса, якія яе падтрымліваюць.
Па звестках выдання, Пентагон выступіў супраць паставак, баючыся, што яны могуць прывесці да эскалацыі канфлікту і даць сігнал Маскве, што ЗША даюць Кіеву зброю, здольную наносіць удары па тэрыторыі Расіі.
Амерыканцы былі таксама занепакоеныя тым, што беспілотнікі могуць збіць на полі бою, у выніку чаго да суперніка трапяць некаторыя сучасныя тэхналогіі. Аднак пры прыняцці рашэння гэтыя рызыкі не былі вырашальнымі, сказана ў публікацыі.
Беспілотныя лятальныя апараты Gray Eagle MQ-1C здольныя падтрымліваць аўтаномны палёт на працягу сутак, яны нясуць узбраенне з чатырох ракет з лазерным навядзеннем Hellfire, максімальная вышыня палёту складае 8,8 тысяч метраў.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары