Ва Украіне стварылі батальён «Туран» для добраахвотнікаў з цюркскіх народаў
Украінцы стварылі чарговае нацыянальнае фарміраванне ў складзе сваіх Узброеных сілаў — батальён «Туран». Паводле задумы, у ім будуць служыць прадстаўнікі цюркскіх народаў.
Камандзірам батальёна стаў Алмаз Кудабек з Кыргызстана, байцы батальёна запісалі адмысловы зварот.
Усяго ў свеце цяпер існуе шэсць цюркскіх дзяржаў, з іх 5 — на тэрыторыі былога Савецкага Саюза. Гэта Турцыя, Азербайджан, Казахстан, Кыргызстан, Туркменістан і Узбекістан.
Акрамя таго, ёсць шмат цюркскіх народаў без уласнай дзяржаўнасці, большасць з іх жыве на тэрыторыі Расійскай Федэрацыі — татары, башкіры, чувашы, кумыкі, нагайцы, карачаеўцы і балкарцы, якуты, тувінцы, хакасы, алтайцы і шэраг зусім дробных. Таксама ў анексаваным Расіяй украінскім Крыме жывуць крымскія татары, у Кітаі і цэнтральнаазіяцкіх краінах — уйгуры, а ў Малдове і на поўдні Украіны — гагаузы.
Туран — гістарычная краіна ў Цэнтральнай Азіі, якая для гістарычнай міфалогіі цюркаў мае сакральнае значэнне.
Каментары