Дэпутаты Еўрапарламента большасцю галасоў прынялі рэзалюцыю аб прызнанні Расіі дзяржавай — спонсарам тэрарызму. «За» прыняцце дакумента прагаласавалі 494 дэпутаты, «супраць» — 58, яшчэ 44 еўрапейскія палітыкі ўстрымаліся, піша Бі-бі-сі.
«Еўрапарламент … рашуча асуджае ваенныя злачынствы і акты тэрору супраць цывільнага насельніцтва, учыненыя Расійскай Федэрацыяй і яе паслугачамі з мэтай дасягнення разбуральных палітычных мэтаў ва Украіне і на тэрыторыі іншых краін, і прызнае Расію як дзяржаву, якая спансаруе тэрарызм, і як дзяржаву, якая выкарыстоўвае тэрарыстычныя сродкі», — гаворыцца ў дакуменце.
Дакумент заклікае Раду ЕС уключыць ПВК «Вагнер» і іншыя фінансаваныя Расіяй мілітарызаваныя групоўкі ў пералік асоб, груп і ўстаноў, уцягнутых у тэрарыстычную дзейнасць, на якія распаўсюджваюцца адпаведныя санкцыі ЕС.
Цяпер чытаюць
Адзін з загінулых сёння вайскоўцаў — 26‑гадовы мінчук Кірыл. Што пра яго вядома1
Каментары