Старэйшы сын Макея ўсё ж быў на пахаванні бацькі, але не сядзеў побач з Верай Паляковай
Раней паведамлялася, што старэйшы сын Уладзіміра Макея, Віталь, не прысутнічаў на пахаванні бацькі — яго не было на афіцыйных фотаздымках з Дома афіцэраў, дзе Аляксандр Лукашэнка ціснуў рукі сваякам. Але, як стала вядома «Нашай Ніве», Віталь Макей не прысутнічаў толькі на афіцыйнай частцы.
«Сын быў, яго бачылі. Ён прыйшоў ужо на могілкі», — сказалі нам суразмоўцы.
Прычына, чаму Віталя Макея не было ў Доме афіцэраў, невядомая.
Віталь Макей — сын Уладзіміра Макея ад першага шлюбу. Акцёрка Вера Палякова — другая жонка міністра, у другім шлюбе ў Макея нарадзіўся сын Арцём.
Старэйшы сын Уладзіміра Макея, Віталь, у 2020 годзе звольніўся з Міністэрства замежных спраў, што было ўспрынята назіральнікамі як маўклівы пратэст супраць фальсіфікацыі выбараў і гвалту. У 2021 годзе ён раскрытыкаваў ведамства свайго бацькі за хамства і страту маральных арыенціраў.
Каментары