Цягнік з Крычава ў Магілёў сёння прыйшоў са спазненнем на паўтары гадзіны, паведамляе Магілёў.Мedia. Гэта досыць рэдкая з’ява для беларускай чыгункі, бо затрыманні цягнікоў па маршрутах калі і здараюцца, то не больш за 20—25 хвілін.
Фота ілюстрацыйнае
Сёння па тэхнічных прычынах цягнік № 6593 Крычаў—Магілёў прыбыў на станцыю Магілёў са спазненнем прыблізна на паўтары гадзіны.
Цягнік з чыгуначнай станцыі Крычаў-1 адпраўляўся ў 7:37 раніцы і мусіў прыбыць на станцыю Магілёў-1 у 10:02, аднак прыйшоў толькі ў 11:30. Дакладная інфармацыя пра прычыну затрымкі не паведамляецца.
Каментары