Музей сучаснага мастацтва ў Варшаве прапануе стажыроўку беларусам
Музей сучаснага мастацтва ў Варшаве і канфедэрацыя музеяў L’Internationale запрашаюць мастакоў з Беларусі і Украіны. Рэзідэнты будуць супрацоўнічаць з аддзелам адукацыі Музея сучаснага мастацтва. Заяўкі прымаюцца да 11 красавіка.
Арт-рэзідэнцыі ў Музеі сучаснага мастацтва ў Варшаве з’яўляюцца часткай больш буйнога праекта «Музей агульнага карыстання», які рэалізуецца канфедэрацыяй еўрапейскіх музеяў L’internationale у рамках праграмы «Крэатыўная Еўропа».
Сабраныя рэзідэнтамі ідэі і распрацаваныя фарматы дзейнасці стануць складнікамі праграмы гэтага музея, а таксама будуць уключаныя ў міжнародную сетку абмену досведам адносна мастацтва і культуры як ключавых элементаў дэмакратычнага грамадства.
Удзельнікамі прапанаванай стажыроўкі могуць быць мастакі, куратары, творцы, якія з-за вайны ці палітычнай сітуацыі пакінулі свае краіны і не могуць там творча выступаць.
Рэалізаваць яе можна на працягу 4 месяцаў у 2023 годзе (май — жнівень і верасень — снежань).
Ахвотным скарыстацца гэтай магчымасцю да 11 красавіка трэба запоўніць форму анлайн-заяўкі і далучыць:
- рэзюмэ і партфоліа ў фармаце PDF (да 5 МБ) або ў выглядзе спасылкі на сайт;
- ідэю праекта, які вы хочаце развіць у рамках рэзідэнцыі (PDF, максімум 5 МБ).
Форма і прадстаўленыя матэрыялы неабходна адправіць на польскай або англійскай мове.
Больш падрабязна пра гэта можна даведацца тут.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары