У студзені СМІ абышла навіна, што ў Бабруйску неўзабаве знясуць стары хірургічны корпус лякарні імя У. Марзона, а на яго месцы пабудуюць новы, сучасны. Разам са старым корпусам мусіла б быць знішчаная і першая бабруйская мазаіка аўтарства мастака Сямёна Абрамава, якая месціцца на яго фасадзе. Але, можа быць, яе яшчэ ўдасца захаваць.
Аўтар тэлеграм-канала Aktahon напісаў, што пасля некалькіх зваротаў у мясцовыя органы і Міністэрства культуры, у якіх ён звяртаў увагу на тое, што ў беларускім заканадаўстве не прадугледжаны дэмантаж (знішчэнне) твораў манументальнага мастацтва і што гэта з'яўляецца вандалізмам у яго прамым азначэнні, ён
нарэшце атрымаў ад міністэрства адказ. У ім гаворыцца, што Мінкульт даслаў ліст у Бабруйскі гарвыканкам аб правядзенні рэканструкцыі твора.
Aktahon звяртае ўвагу на тое, што паводле Палажэння аб парадку стварэння (рэканструкцыі) і прыёмкі твораў манументальнага і манументальна-дэкаратыўнага мастацтва, зацверджанага пастановай Савета Міністраў Рэспублікі Беларусь ад 19 верасня 2008 года №1372 (у рэдакцыі пастановы Савета Міністраў ад 14 студзеня 2022 года № 26),
рэканструкцыя твораў манументальнага і манументальна-дэкаратыўнага мастацтва — сукупнасць работ і мерапрыемстваў, накіраваных на выкарыстанне па новым прызначэнні твораў мастацтва і (або) звязаных са змяненнем месца іх размяшчэння.
Такім чынам, зыходзячы з гэтага, бабруйская мазаіка мусіць цяпер быць як мінімум некуды перанесеная — ці ў музей, ці на новы будынак, — а не банальна знішчаная.
Зрэшты, аўтар допісу адмыслова адзначае, што гэтае палажэнне — тое самае, паводле якога Зэльвенскі райвыканкам адмовіўся дэмантаваць помнік Ларысе Геніюш. То-бок у гэтай краіне і пры цяперашнім стаўленні да законаў яно нічога не гарантуе.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
гэта мазаіка глядзіцца асабліва шчымліва і набывае асаблівы кошт