Агенцтва грамадзянскай авіяцыі Грузіі 15 мая выдала дазвол на палёты расійскай авіякампаніі «Азімут». Яна першай атрымала дазвол ад грузінскіх уладаў на палёты ў краіну.
Першы рэйс Масква — Тбілісі — Масква адбудзецца 17 мая. Рэйсы будуць выконвацца сем дзён на тыдзень.
Агенцтва грамадзянскай авіяцыі Грузіі таксама заявіла, што дазволы на палёты атрымаюць толькі тыя расійскія кампаніі, у дачыненні да якіх не дзейнічаюць санкцыі.
Перад гэтым Расія з 15 мая адмяніла візы для грамадзян Грузіі, а таксама дазволіла непасрэдныя авіязносіны паміж дзвюма краінамі.
Каментары