Афіцыйны ўзровень беспрацоўя ў Мінску на 1 лістапада склаў 0,4% эканамічна актыўнага насельніцтва. За кастрычнік гэты паказчык зменшыўся на 0,1%.
Як паведамілі ва ўпраўленні занятасці камітэта па працы, занятасці і сацыяльнай абароне Мінгарвыканкама, у службах занятасці на 1 лістапада было зарэгістравана 4.769 беспрацоўных. У студзені—кастрычніку па садзейнічанне ў працаўладкаванні звярнулася 30.329 чалавек. На пастаянную ці часовую працу працаўладкавана 15.953 чалавекі, з іх 6.041 зарэгістраваны беспрацоўны атрымаў пастаянную працу.
На часовую працу ў вольны ад вучобы час працаўладкавана 8.467 чалавек. На прафесійную падрыхтоўку, перападрыхтоўку і павышэнне кваліфікацыі накіравана 2.230 беспрацоўных. У грамадскіх работах узялі ўдзел 4.388 чалавек, у тым ліку 2.573 беспрацоўных.
Колькасць вакансій на прадпрыемствах горада на 1 лістапада склала 13.536, у тым ліку для рабочых — 9.742.
Сярэдні памер дапамогі па беспрацоўі ў кастрычніку складаў 36,4 тыс. рублёў.
Найбольш запатрабаванымі спецыялістамі ў сталіцы з’яўляюцца электрыкі‑электраманцёры, грузчыкі, прыбіральшчыкі, медыцынскія сёстры, санітары, лекары‑тэрапеўты, міліцыянеры, вадзіцелі аўтобуса, бетоншчыкі, муляры, выхавальнікі, кандуктары, краўцы‑швачкі, афіцыянты, начальнікі аддзелаў.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары