На хлопца, які паехаў вучыцца ў Польшчу, завялі крымінальную справу за ўхіленне ад прызыву
Спачатку крыміналкі не заводзілі, але ўмяшалася абласная пракуратура.
23-гадовы хлопец — студэнт эканамічнага факультэта Вышэйшай школы сельскай гаспадаркі ў Варшаве.
Спачатку, як піша Брэсцкая абласная пракуратура, маладога чалавека знялі з воінскага ўліку на падставе рашэння раённага суда аб прызнанні яго па заяве бацькоў чалавекам, які страціў права валодання і карыстання жылым памяшканнем у сувязі з выбыццём для пражывання за межы тэрыторыі краіны.
Пракуратура вобласці з рашэннем раённага суда не пагадзілася. Яна адзначыла, што хлопец часова пражывае ў студэнцкім інтэрнаце польскага ўніверсітэта і няма інфармацыі, якая пацвярджае, што ён у Польшчы мае пастаяннае месца жыхарства.
Рашэнне раённага суда было апратэставанае пракурорам Брэсцкай вобласці.
Пасля гэтага была заведзеная крымінальная справа аб ухіленні ад мерапрыемстваў прызыву на вайсковую службу па ч.1 арт. 435 Крымінальнага кодэкса Рэспублікі Беларусь. Справу разглядае Камянецкі СК.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары