У віцебскай калоніі прымаюць для асуджаных толькі абутак фірмы «Марка»
Сваякам асуджаных, якія адбываюць пакаранне ў калоніі № 3 у Віцебску, дазволілі ў рэчавых перадачах дасылаць вязням на выбар чаравікі ўсяго двух артыкулаў — Marko 47207 або Marko 47165. Іншы абутак па-ранейшаму пад забаронай, даведаўся Mayday.team.
З кастрычніка мінулага года практычна ва ўсіх беларускіх калоніях у рэчавых перадачах перасталі прымаць абутак, які сваякі асуджаных куплялі замест няякаснага, выдадзенага ў калоніі. Такім чынам кіраўніцтва пенітэнцыярных устаноў дапамагала распрадаць тавар уласных абутковых цэхаў.
У Віцебску з лютага зрабілі выключэнне. Падобна на тое, што віцебскі вытворца абутку змог дамовіцца з Упраўленнем Дэпартамента выканання пакаранняў па Віцебскай вобласці на даволі высокім узроўні.
Нагадаем, што на цяперашніх выбарах у Віцебскі абласны савет дэпутатаў балатуецца Павел Мартынаў — гендырэктар холдынгу «Марка» і сын ягонага ўладальніка.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары