Увечары 8 лютага ў Мінску спроба правесці акцыю салідарнасці з Мікалаем Аўтуховічам і Уладзімірам Асіпенкам, якія знаходзяцца пад вартай ужо год, закончылася затрыманнем яе ўдзельнікаў.
Прыкладна ў 18 гадзін каля 15 актывістаў маладзёжных апазіцыйных рухаў выстраіліся на Кастрычніцкай плошчы, трымаючы партрэты ваўкавыскіх прадпрымальнікаў. Практычна адразу да іх падбеглі людзі ў цывільным і ўзялі ў кола. Пры гэтым два міліцыянеры ў форуме папярэджвалі прысутных аб незаконнасці іх дзеянняў.
Праз 2-3 хвіліны на плошчу прыехалі два аўтобусы з супрацоўнікамі палка міліцыі спецыяльнага прызначэння, якія затрымалі маладых людзей.
Як і раней, невядомыя людзі ў цывільным перашкаджалі працы журналістаў, закрывалі аб'ектывы фота- і відэакамер, спрабавалі адціснуць журналістаў ад месца падзеі. Яны нават не дазволілі падысці да ўдзельнікаў акцыі журналістам з дыктафонамі.
Нагадаем, ваўкавыскія прадпрымальнікі Мікалай Аўтуховіч, Юрый Лявонаў і Уладзімір Асіпенка былі затрыманы 8 лютага 2009 года. 18 лютага ім было прад'яўлена абвінавачанне па арт. 218 Крымінальнага кодэкса. 23 чэрвеня ў дачыненні да Аўтуховіча і, як паведаміла МУС, «іншых асоб» была распачата справа па арт. 359 КК (тэрарыстычны акт) у выглядзе падрыхтоўкі (арт. 13). Абвінавачанне ў падрыхтоўцы тэрарыстычнага акта Асіпенку і Аўтуховічу было прад'яўлена 20 лістапада.
8 жніўня Лявонава вызвалілі з мінскага следчага ізалятара, а 24 верасня з яго былі знятыя ўсе абвінавачанні.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары