У вёсцы Новы Двор Валожынскага раёна вечарам 26 жніўня гарэў жылы дом. Уладальнікі патушылі яго да прыезду выратавальнікаў.
Віноўнікам пажару стаў тэлевізар, які згарэў сам, расказала Kraj.by інспектар сектара прапаганды і ўзаемадзеяння з грамадскасцю Валожынскага РАЧС Наталля Станкевіч&
Паводле асноўнай версіі, з-за кароткага замыкання загарэўся тэлевізар, які на момант узнікнення пажару быў уключаны ў сетку.
Паводле слоў Наталлі Станкевіч, у выніку здарэння тэлевізар знішчаны агнём. Акрамя гэтага, пашкоджана сцяна на плошчы двух квадратных метраў, закураныя столь, сцены і маёмасць на ўсёй плошчы пакоя.
— Любы электрапрыбор трэба выкарыстоўваць у адпаведнасці з інструкцыяй па эксплуатацыі. Уключайце толькі спраўныя электрапрыборы, сачыце, каб яны не пераграваліся. Не дапускайце перагрузкі электрасеткі. Не пакідайце без нагляду ўключаныя электрапрыборы, зарадныя прылады для мабільных тэлефонаў і іншыя гаджэты, дэвайсы.
Калі электрапрыбор усё ж загарэўся, хутка выключыце яго з разеткі і накрыйце шчыльнай цяжкай тканінай, каб спыніць доступ кіслароду. Калі гарэнне не спыняецца і вы не можаце справіцца з ім — тэрмінова выклікайце выратавальнікаў па тэлефонах 101 або 112. Паклапаціцеся пры гэтым пра ўласную бяспеку і папярэдзьце суседзяў. А лепш за ўсё загадзя ўстанавіце дома аўтаномны пажарны апавяшчальнік, — сказала Наталля Станкевіч.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары