Навіна пра тое, што гурт «Дразды», які большасць сваіх песень выконвае на беларускай мове, спыняе выступы, выклікала хвалю абмеркавання.
Сам Карпанаў да гэтага скардзіўся на некаторых «гіперактыўных блогераў», якія патрабуюць забараніць групу: называюць імя Вольгі Бондаравай. Апошнім часам «Дразды» атрымалі дазвол на выступы ў абласных цэнтрах, а вось у сталіцу яе не пускаюць.
«Дажыліся»
«У Беларусі забараняюць выступаць на беларускай» — гэты каментар набраў найбольш лайкаў.
«Дажыліся», — заўважае на гэта адзін з гледачоў.
Іншыя таксама не хаваюць свайго абурэння:
«З якога перапуду ў Беларусі нельга спяваць на роднай мове?», «Што за недарэчнасць? Беларускі гурт забараняюць за беларускую мову????», «Гэта як? Забараняць на беларускай у Беларусі?»
«Забараніць Бондараву»
Другім па папулярнасці стала пытанне:
«Хто ўвогуле такая Вольга Бондарава??».
Карыстальнікі масава прапаноўваюць прымяніць тыя ж самыя меры да самой даносчыцы:
«Прапаную забараніць Вольгу Бондараву», «Забараніць Вольгу Бондараву))», «Забараніце Бондараву. Дразды — суппер група», «Калі мы Бондараву забаронім?» — пішуць гледачы і атрымліваюць істотную падтрымку.
«Калі ўжо забароняць гэтых блогераў?», «А можа лепш блогераў забараніць», «Забараніце тых блогераў, якія хацелі закрыць групу «Дразды»!!!», — уносяць прапановы іншыя, не згадваючы канкрэтных імёнаў.
Трэці па папулярнасці водгук закрануў моўнае пытанне і недарэчнасць прэтэнзій:
«Ну, увогуле гэта беларуская група. І што дзіўнага ў тым, што спявае на беларускай?»
«Дразды» заслужылі дзяржаўныя ўзнагароды»
Асноўная ж маса паведамленняў — гэта словы падтрымкі і прызнанне ў любові да творчасці «Драздоў». Людзі адзначаюць талент музыкаў.
«Дразды вельмі таленавітыя, няхай выступаюць, народ іх вельмі любіць», — гэтая прапанова атрымала больш за 1400 лайкаў.
«Дразды» — наша беларуская група. Выступайце з богам. Вас усе любяць. Вы сапраўдныя беларусы», «Лепшы Беларусі гурт», «Як жа так? Гэта наша родная мова. Ганарыцца гэтым трэба. Добра спяваюць», «Яны вельмі класныя, трэба выступаць)», «Дразды вы найлепшыя», «Адна толькі песня «Не прадаецца хата бацькоў» чаго вартая. Малайцы хлопцы!»
Некаторыя гледачы лічаць, што замест забаронаў музыкі заслугоўваюць афіцыйнага прызнання:
«Ды ім народнікаў трэба даваць такія песні людзі з усяго свету едуць у Беларусь слухаць іх!», «На мой погляд за сваю вялікую працу група «Дразды» заслужыла дзяржаўныя ўзнагароды».
«Не здавайцеся»
Слухачы з рэгіёнаў супакойваюць музыкаў і заклікаюць не спыняць дзейнасць з-за праблем у Мінску.
«Акрамя Мінска, Вас чакаюць усюды! Нават не думайце сыходзіць! Праблема для Мінчукоў, бо трэба ехаць у рэгіёны, каб Вас пачуць)», «Дарагія «Дразды», трымайцеся! Вашы песні ўслаўляюць прыгажосць нашай краіны, векавыя каштоўнасці, на якіх трымаецца Беларусь!», «Хлопцы! Не здавайцеся. Вы лепшыя!!!» — выказваюць словы падтрымкі гледачы.
Зрэшты, знайшліся і тыя, хто паставіў пад сумнеў праўдзівасць інфармацыі з роліка.
«Гэта фэйк!»
«Мне смешна, не верце, усё гэта фэйк, наадварот, беларуская мова ўсюды вітаецца», — сцвярджае нехта.
Пакаянне за 2020‑ы не дапамагло — канцэртаў «Драздам» не даюць. Гурт спыняе выступы, Карпанаў ідзе ў беларускамоўны стэндап
Беларускі чыноўнік загаварыў па-беларуску, чым вельмі здзівіў і парадаваў людзей
Рэпер Пазнякс, які парваў інтэрнэт песняй пра гавайскую піцу, выпусціў з Мэйбі Бэйбі сумесны трэк «Жабінка-Гродна»
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары