У будынку XV стагоддзя зробяць чатырохзоркавыя нумары.
Будынак гасцявога дома Ватыкана стане гатэлем. Ён здадзены ў арэнду прыватнай кіруючай кампаніі прыкладна за пяць мільёнаў еўра ў год. Паводле звестак газеты Il Messaggero, яна зробіць з яго гасцініцу катэгорыі чатыры зоркі, піша Bild.
Будынак XV стагоддзя ў часы пантыфікату папы Паўла VI у пачатку сямідзясятых гадоў сталі выкарыстоўваць як жыллё для епіскапаў, святароў і кардыналаў, якія прыязджаюць у Ватыкан.
Прычынай аддаць гасцявы дом пад гатэль паслужылі перш за ўсё эканамічныя меркаванні, паведамляе швейцарская газета Blick. Рэстаўрацыя струхнелага будынка запатрабавала б, паводле яе звестак, 60 мільёнаў еўра. Некалькі кардыналаў звярталіся да новага папы Льва XIV з просьбай адмовіцца ад ідэі гатэля. Але той застаўся непахісным: альтэрнатывы няма.
Нябожчык папа Францішак, насупраць, падчас свайго пантыфікату неаднаразова асуджаў манаскія ордэны, якія ператваралі сваю нерухомасць не ў сацыяльнае жыллё, а рабілі з яе гатэлі і пансіёны.
Цяпер чытаюць
Малады работнік «Мінск-Арэны» павінен заплаціць 71 мільён даляраў3
Каментары