Прэзідэнт Украіны Уладзімір Зеленскі прысвоіў вайсковае званне брыгаднага генерала камандзіру 1‑га корпуса Нацыянальнай гвардыі Украіны «Азоў» Дзянісу Пракапенку, паведамляе «Суспільне».
Дзяніс Пракапенка разам са сваімі падраздзяленнем у пачатку поўнамаштабнай вайны Расіі супраць Украіны тры месяцы абараняў Марыупаль на тэрыторыі прадпрыемства «Азоўсталь». 16 мая 2022 года Пракапенка паведаміў пра загад вышэйшага кіраўніцтва спыніць абарону Марыупаля, каб захаваць жыцці вайскоўцаў гарнізона. 17 траўня Пракапенка атрымаў асколачнае раненне, а 20 траўня разам з камандаваннем пакінуў «Азоўсталь» і здаўся ў палон.
21 верасня 2022 года Пракапенку вызвалілі падчас абмену палоннымі ды інтэрнавалі ў Турцыі. Паводле папярэдніх дамоўленасцяў, ён павінен быў заставацца ў Турцыі да канца вайны, але 8 ліпеня 2023 года вярнуўся ва Украіну пасля сустрэчы прэзідэнтаў Украіны і Турцыі.
Пасля вяртання Пракапенка аднавіў службу ў брыгадзе «Азоў», прайшоў рэабілітацыю і зноў узначаліў падраздзяленне, якое са жніўня 2023 года выконвае баявыя задачы на Данбасе.
Футбольны фанат без вайсковай адукацыі. Хто такі Дзяніс Пракапенка, які камандуе гераічнай абаронай Марыупаля
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справу давядзём да канца
Камандзір брыгады «Азоў» Дзяніс «Рэдыс» Пракапенка сустрэўся з асабовым складам пасля вяртання з палону ФОТЫ
«Мы абавязкова яшчэ скажам сваё слова ў баі» — камандзір «Азова» Пракапенка
Камандзір «Азова»: Гэтая вайна надоўга, заклікаю ўсіх зрабіць свядомы выбар і ўзяць у рукі зброю
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары