Пад Мінскам мужчына выратаваў казулю, якая апынулася ў ледзяной вадзе ВІДЭА
Гісторыя адбылася ў лесе каля Ратамкі і хутка разышлася ў сацыяльных сетках, піша Tochka.by.
Пра здарэнне расказаў карыстальнік Threads. Паводле яго слоў, у вадаёме заўважылі казулю, якая не магла выбрацца на бераг. Жывёліна дрыжала ад холаду і выглядала моцна напалоханай. Мяркуецца, што яе загналі ў ваду і пакусалі — верагодна, сабакі.
На відэа відаць, як мужчына асцярожна пераходзіць на другі бераг па паваленым дрэве і павольна падыходзіць да жывёлы, каб не напалохаць яе яшчэ больш. Спачатку казуля насцярожана адступае, але потым, нібыта зразумеўшы, што чалавек не ўяўляе небяспекі, падыходзіць бліжэй. Мужчына спакойна кліча яе выбірацца і акуратна бярэ за рожкі, пасля чаго выцягвае з ледзяной вады на сухое.
Відэа хутка стала папулярным і сабрала тысячы лайкаў. Карыстальнікі ў каментарыях дзякавалі мужчыну і адзначалі, што такія ўчынкі вяртаюць веру ў людзей.
Разам з тым некаторыя людзі выказалі занепакоенасць лёсам жывёлы. Яны мяркуюць, што казулі магла спатрэбіцца дапамога ветэрынара, калі яна сапраўды была пакусаная. Ці звярнуліся з ёй да спецыялістаў, пакуль невядома.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
Толькі хто здымаў, песек ? )
A zabirać z lesu da vieterinary davoli niebiaśpiečna stała, bo kali spýnić u darozie jakoje boŭdziła ŭ furažcy - pryšjuć artykuł, i chren ty što dakažaš...