Урад Расіі вырашыў з 1 красавіка забараніць экспарт бензіну. Даручэнне падрыхтаваць адпаведную пастанову атрымаў віцэ-прэм’ер Аляксандр Новак, паведамляе «Коммерсант».
Расійскія ўлады тлумачаць гэты крок жаданнем стрымаць рост цэнаў на паліва і забяспечыць у першую чаргу ўнутраны рынак. Аднак эксперты адзначаюць, што такая мера хутчэй запаволіць падаражанне, але не прывядзе да істотнага зніжэння цэн.
Рост цэнаў на бензін звязаны з вайной ЗША і Ізраіля супраць Ірана і фактычным закрыццём Армузскага праліва, праз які праходзіць каля пятай часткі сусветных паставак нафты. На гэтым фоне цэны на нафту маркі Brent у сакавіку перавышалі 100 долараў за бараль і ў пэўны момант дасягалі каля 126 даляраў, пасля чаго стабілізаваліся прыкладна на ўзроўні 110 даляраў.
Сітуацыя ў Расіі дадаткова ўскладнілася пасля ўдараў Украіны па порце Усць-Луга ў Ленінградскай вобласці 25 сакавіка. Усё ў комплексе можа прывесці да скарачэння перапрацоўкі і здабычы нафты, а таксама стварыць праблемы з экспартам. Некаторыя расійскія кампаніі ўжо папярэдзілі пакупнікоў пра магчымыя збоі ў пастаўках.
У Славеніі ўвялі абмежаванні на продаж бензіну на запраўках
Украінскія ўдары па партах паралізавалі амаль палову расійскага нафтавага экспарту
Украінскія дроны вывелі са строю адзін з найбуйнейшых расійскіх НПЗ
У Ленінградскай вобласці адбылася масіраваная атака дронаў: пажары ў партах і калапс у Пулкаве
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары