Забіты кіраўнік выведкі КВІР — адна з самых уплывовых постацяў сілавога блока Ірана
Ён пратрымаўся на пасадзе менш за год. Ягоны папярэднік таксама быў забіты ізраільцянамі.
Іран заявіў пра ліквідацыю кіраўніка выведкі КВІР — генерал-маёра Маджыда Хадэмі. Ён быў забіты на досвітку ў выніку ўдару ЗША і Ізраіля.
Паводле заявы прэс-службы КВІР, высокапастаўлены афіцэр загінуў у выніку «тэрарыстычнай атакі амерыкана-сіянісцкага ворага». Удары былі нанесены на досвітку па рэзідэнцыі генерала.
Генерал прысвяціў службе ў органах бяспекі і разведкі Ірана амаль паўстагоддзя. Хадэмі ўзначаліў разведку КВІР менш за год таму — пасля гібелі папярэдняга кіраўніка, Махамада Казэмі, які таксама быў забіты ў выніку ізраільскага ўдару.
Каментары