Тэлеканал CNN паведамляе, што 10 красавіка праз Армузскі праліў прайшоў толькі адзін нафтавы танкер, што сведчыць пра істотнае зніжэнне марскога трафіку ў гэтым стратэгічна важным рэгіёне.
Паводле звестак сістэмы адсочвання суднаў MarineTraffic, гэты танкер знаходзіўся пад санкцыямі ЗША і ішоў пад сцягам Батсваны. Журналісты, праўда, адзначаюць, што іншыя караблі таксама маглі праходзіць праз праліў, але не перадаваць сігналы AIS, таму іх рух мог застацца незаўважаным.
Таксама паведамляецца, што яшчэ некалькі суднаў розных тыпаў (але не танкеры) пад сцягамі Індыі і Панамы прайшлі праз гэты рэгіён: адно выйшла ў бок Аманскага заліва, два накіроўваліся ў Персідскі заліў.
Журналісты падкрэсліваюць, што ў звычайных умовах праз Армузскі праліў штодзённа праходзяць каля 100 і больш суднаў, і ён застаецца ключавым маршрутам для сусветных паставак нафты. Таму рэзкае скарачэнне руху выклікае трывогу на сусветных рынках і можа паўплываць на цэны на нафту.
Эксперты папярэджваюць, што калі трафік праз праліў не вернецца да звычайнага ўзроўню, гэта можа мець сур’ёзныя наступствы для глабальнай эканомікі.
Трамп запатрабаваў ад Ірана спыніць спаганяць плату за праход суднаў праз Армузскі праліў
Трамп заявіў, што дзеянні Ірана ў Армузскім праліве не адпавядаюць дамоўленасцям
Энергетычны крызіс, выкліканы атакай на Іран, толькі пачынаецца. Ён можа стаць самым цяжкім у гісторыі
Іран зноў закрыў Армузскі праліў з-за дзеянняў Ізраіля
Каментары