Тэнісістаў на турніры ў Мадрыдзе выкошвае вірус. Там выступае і Арына Сабаленка

У нядзелю тэнісістку Кока Гаўф званітавала, калі яна гуляла матч з Саронай Кырстай. Гаўф узяла медыцынскі тайм-аўт, апісвае sports.ru.

Гаўф дажыла да перамогі і ўжо ў інтэрв'ю на корце патлумачыла:

«Думаю, у мяне тое самае, што ўсе тут у Мадрыдзе падхапілі. Шчыра кажучы, я проста спрабавала зрабіць так, каб мяне не званітавала проста на корт — гэта было галоўнай задачай. Мяне званітавала пасля першага сэта, потым у другім проста пры ўсіх — стала трохі лепш. Я адчувала сябе вельмі стомленай, але ў цэлым гуляць стомленай у мяне атрымліваецца без праблем, проста тут трэба было яшчэ спрабаваць утрымаць у сабе ўсё тое, што я ела».

Яна прызналася, што не хацела здымацца, бо гэта быў бы ўжо другі раз за паўтара месяца пасля траўмы ў Індыян-Уэлс — хоць да гэтага яна заканчвала ўсе матчы са жніўня 2022-га.

Аказалася, што да трэцяга сэта ўсё ж такі падзейнічалі таблеткі, якія Кока атрымала падчас медыцынскага перапынку. І яна выйграла трэці сэт 6:1.

«Раніцай усё было нармальна. Ноччу лавіла дзіўныя адчуванні: трывога, нервы — я прыняла мелатанін і заснула. Я наогул з цяжкасцю разумею, калі штосьці з арганізмам адбываецца, звычайна нікому нічога не кажу — хоць тут дакладна трэба было абмеркаваць з фізіятэрапеўтам, — распавяла Гаўф прыкладна праз гадзіну пасля. — У нейкі момант матча адчувала, што я зараз проста ўпаду. Па ходзе нейкага розыгрышу здавалася, што мяне званітуе проста падчас гульні. Відавочна, што ходзіць нейкі вірус, дакладна не ў мяне адной праблемы з жыватом. Плюс, здаецца, у горадзе гуляе вірус — адсюль усё і ідзе, думаю».

Дагэтуль Іга Свёнтак не змагла дагуляць матч з Эн Лі: яе да трэцяй партыі, наадварот, накрыла мацней. Пры 0:3 яна ўжо апатычна пайшла да сеткі проста па ходзе гейма на сваёй падачы.

«У мяне вірус, гуляць было наогул жудасна, — расказала Свёнтэк пазней. — Гэты вірус ходзіць тут паміж гульцамі, можа і недзе яшчэ. У мяне зусім не было энергіі, проста на нулі. Сімптомы — не зусім тое, пра што вам варта ведаць. Я не магла нават піць, бо адчувала сябе ўжо запоўненай».

У жаночай сетцы дакладна ад віруса пацярпелі топы (яшчэ чэмпіёнка мінулагодняга Australian Open Мэдысан Кіз), у мужчынскай выкошвае пакуль не на такім узроўні — але прыклады таксама ёсць.

Марын Чыліч яшчэ ў пятніцу не выйшаў гуляць з Жаао Фансекам другі круг, хоць за дзень да гэтага зрабіў камбэк у першым супраць Зізу Бергса.

Карэнтэн Мутэ пасля суботняй паразы ў двух сэтах ад Даніэля Мерыды папрасіў прабачэння ў Instagram перад заўзятарамі і патлумачыў дрэнную гульню тым, што два дні пакутуе ад віруса.

• 0
• 0
• 0
• 2
• 5
• 1
• 0
• 0