У другую ноч беспарадкаў у Паўночнай Ірландыі пацярпелі 12 паліцэйскіх
Беспарадкі ў Паўночнай Ірландыі, якія ўспыхнулі пасля нападу выхадца з Судана на мужчыну ў Белфасце, працягваліся другую ноч запар. Паліцыя прымяніла вадамёты для разгону натоўпу, які кідаў у праваахоўнікаў розныя прадметы, у тым ліку бутэлькі з запальнай сумессю, піша Бі-бі-сі.
Падчас беспарадкаў пацярпелі 12 паліцэйскіх, агулам ужо арыштаваны 16 чалавек.
На кадрах, знятых на кальцавой развязцы ў раёне Сандзіноўз на паўночны захад ад Белфаста, відаць, як пратэстоўцы, апранутыя ў чорнае і ў масках, разбівалі пад'язную дарогу каля прыватнага дома, выбіваючы кавалдай кавалкі пліткі і кідаючы іх у паліцэйскіх.
Таксама быў заўважаны вялікі аўтамабіль Міністэрства інфраструктуры, які гарэў, а яшчэ падпаленыя смеццевыя кантэйнеры.
У іншых частках Паўночнай Ірландыі таксама прайшлі пратэсты, але яны ў асноўным мелі мірны характар.
Беспарадкі ў сераду не дасягнулі маштабаў сутыкненняў, якія адбыліся ў аўторак, у выніку чаго людзі былі вымушаны пакідаць свае дамы.
Сутыкненні пачаліся ў аўторак пасля таго, як напярэдадні выхадзец з Судана Хадзі Аладзід, які атрымаў прытулак у Вялікабрытаніі, напаў з нажом на мінакоў у Белфасце. У выніку адзін чалавек страціў вока і атрымаў шматлікія раненні твару і спіны.
Нападніка затрымалі выпадковыя сведкі. У сераду ў магістрацкім судзе яму выставілі абвінавачанне ў замаху на забойства і ўзялі пад варту. Наступнае судовае пасяджэнне прызначана на 8 ліпеня.
Каментары
Калі ў Еўропе палілі крамы, машыны, скідалі помнікі таму што, у Амерыцы памер ад перадазіроўкі фентанілам пад час арышту серыйны крымінальнік, тое казалі, што гэта "амаль мірныя пратэсты", "справядлівы гнеў", "трэба плаціць за грахі мінулага", а хто супраць - фашыст!