На рахунках падазраванага арыштавана больш за $200 тыс.
Мікалай Мардахаеў, беларускі грамадзянін, які пражывае ў амерыканскім Нантакеце, штат Масачусэтс, быў арыштаваны 23 чэрвеня. Амерыканскія ўлады падазраюць яго ў здяйсненні злачынстваў у інтэрнэце.Памочнік генеральнага пракурора штата Масачусэтс, Лэнні А. Брэер, заявіў, што беларус падазраецца ў крадзяжы падаткаў амерыканцаў з усёй краіны
Паводле абвінаваўчага заключэння, у перыяд з 2006 па 2007 год, Мардахаеў і яго саўдзельнікі заваблівалі сваіх ахвяраў на сайты, якія прапаноўвалі амерыканцам свабодную падрыхтоўку падатковай справаздачнасці анлайн і электронную падачу падатковых дэкларацый.
Схема злачынстваў была надзвычай простай. Пасля таго, як даверлівыя амерыканцы ўводзілі свае дадзеныя ў сістэму, Мардахаеў з саўдзельнікамі з Беларусі выкарыстоўваў іх каб вярнуць частку падаткаў. Грошы пераводзіліся ўжо на рахункі злачыннай групы. Паводле абвінавачання, у некаторых выпадках сума звароту падаткаў перавышала суму сплачаных падаткаў. Гэта і зацікавіла следчыя органы. У выніку
былі выкрытыя рахункі М.Мардахаева, на якіх захоўвалася каля $200 тыс.
У тым выпадку, калі Мардахаеў будзе асуджаны, яму пагражае максімальнае пакаранне ў памеры 20 гадоў пазбаўлення волі, $250 тыс. штрафу і кампенсацыя нанесенай грамадзянам ЗША шкоды.
Пакуль абвінаваўчае заключэнне з’яўляецца толькі абвінавачваннямі, а Мікалай Мардахаеў лічыцца невінаватым.
Справа беларуса расследавалася Падатковым упраўленнем ЗША і Казначэйствам генеральнага інспектара падатковай адміністрацыі. Ёй займаецца таксама памочнік міністра юстыцыі ЗША Адам Букбайндэр.
За апошні час гэта не першы выпадак, калі амерыканскія ўлады абвінавачваюць беларускіх грамадзян у кіберзлачынствах. 15 красавіка бягучага году ФБР арыштавала ў Чэхіі Дзмітра Наскаўца, якога абвінавацілі ў стварэнні сістэмы выкарыстання скрадзеных банкаўскіх крэдытных картак. Тады ж у Беларусі быў арыштаваны С.Сямашка, якога абвінавацілі ў дапамозе Д.Наскаўцу. Агулам Сямашку і Наскаўца абвінавацілі больш чым у 5000 махлярствах.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары