Мінуў тыдзень пасля сустрэчы Яраслава Раманчука з Аляксандрам Лукашэнкам, а вынікаў няма.
Мінуў тыдзень пасля сустрэчы Яраслава Раманчука з Аляксандрам Лукашэнкам, а вынікаў няма.
20 снежня экс-кандыдата ў прэзідэнты Яраслава Раманчука на пару слоў запрасіў кіраўнік Беларусі. Галоўным пытаннем непрацяглай размовы стаў лёс старшыні АГП Анатоля Лябедзькі, якога забралі з кватэры пасля Плошчы. Раманчук прасіў вызваліць аднапартыйца.
«Я не ў курсе справы. Зараз удакладню, дзе знаходзіцца, пры якіх абставінах. Але ў мяне права адпускаць людзей няма. Я табе абяцаю: заўтра, сёння ўжо не паспею»,
— сказаў Лукашэнка прыязным голасам перад тэлекамерамі.
Анатоль Лябедзька ўжо другі тыдзень знаходзіцца ў ізалятары КДБ. Яму інкрымінуюць арганізацыю масавых беспарадкаў 19 снежня ў Мінску. Разам з ім абвінавачваюцца яшчэ 24 асобы. У СІЗА КДБ Лябедзька абвясціў галадоўку і адмовіўся даваць паказанні. Вядома, што сёння на кватэры старшыні АГП супрацоўнікі спецслужбаў правялі ператрус.
Каментары