У Беларусі плануецца павялічыць колькасць месцаў, у якіх будзе ўведзеная поўная забарона на курэнне, паведаміла намеснік галоўнага доктара па эпідэміялогіі Рэспубліканскага цэнтра гігіены, эпідэміялогіі і грамадскага здароўя Людміла Наройчык 31 мая на пасяджэнні круглага стала ў Мінску.
Паводле яе слоў, мяркуецца таксама распачаць меры па павелічэнні цэн на тытунёвыя вырабы. Як лічыць спецыяліст, у Беларусі павінна дзейнічаць поўная забарона на рэкламу тытунёвых вырабаў, як прамую, так і ўскосную. Гэтыя мерапрыемствы пазначаныя ў рамачнай канвенцыі Сусветнай арганізацыі аховы здароўя (СААЗ) па барацьбе з тытунём, якую ратыфікавала Беларусь. Яны замацаваныя таксама ў канцэпцыі рэалізацыі дзяржаўнай палітыкі супрацьдзеяння спажывання тытуню на 2011–2015 гады і комплексным плане мерапрыемстваў па барацьбе супраць тытунекурэння на 2011–2015 гады.
Як паведаміў кіраўнік краінавага офіса СААЗ у Беларусі Ягор Зайцаў, у краіне дасягнутыя поспехі па абмежаванні рэкламы тытунёвых вырабаў. Забарона на такую рэкламу выконваецца на 98%: часам яе можна сустрэць у часопісах, галоўным чынам расійскіх.
Як заявіў намеснік кіраўніка секцыі па праблемах дэмаграфіі і аховы здароўя
Паводле яго слоў, у цэлым на постсавецкай прасторы курыць амаль палова насельніцтва. Тым часам, 90% анкалагічных захворванняў лёгкіх выкліканыя актыўным ці пасіўным курэннем. На лячэнне аднаго пацыента хворага на рак лёгкіх расходуецца да 100 тыс. долараў з бюджэту.
Паводле даных Міністэрства аховы здароўя, у Беларусі курыць больш за 30% насельніцтва. Міністэрства аховы здароўя папярэджвае, што курэнне выклікае анкалагічныя і
Паводле даных Міністэрства аховы здароўя, штодня ў Беларусі памірае 42 чалавекі ад хвароб, звязаных з тытунекурэннем.
Каментары