Не дачакаўшыся вызвалення сына, бацькі хлопца вяртаюцца ў Слуцк.
Увечары 30 ліпеня маці і бацька Антона Сурапіна, не дачакаўшыся вызвалення сына з СІЗА КДБ, вяртаюцца з Мінска ў Слуцк. У іх была надзея на тое, што, калі Лукашэнка паабяцаў да панядзелка прыцягнуць да адказнасці вінаватых у незаконным перасячэнні мяжы шведскім самалётам з плюшавымі мядзведзямі, то ў гэты дзень і шчасліва вырашыцца лёс Антона.
Хоць, як прызнала ў размове з карэспандэнтам маці фатографа, Антон і вінаватыя ў перасячэнні мяжы — гэта дзве розныя справы.
Нягледзячы на гэта, сваякі спадзяюцца на хуткае вызваленне Антона.«Калі яго вызваляць, адвакат аб гэтым даведаецца першы. Калі гэта адбудзецца сёння, мы вернемся ў Мінск», — сказала Алёна Сурапіна.
Днём 30 ліпеня ў Мінску бацька і маці фатографа сустракаліся з яго адвакатам.Па словах абаронцы, якая не мае права выдаваць матэрыялы следства, Антон пачуваецца нармальна, таксама спадзяецца на хуткае вызваленне. На прамое пытанне адвакату ад бацькоў, якія вывучалі ў мінулыя выходныя Крымінальны кодэкс, ці прад’яўлена яму абвінавачванне, абаронца адказала ўнікліва.
Мяркуючы па аповедзе маці Антона, паколькі сын не вызваленыз-пад варты, значыць, абвінавачванне ўсё ж такі прад’яўленае.
Сурапін быў затрыманы КДБ 13 ліпеня па справе аб незаконным перасячэнні мяжы шведскім лёгкаматорным самалётам. На ягоным сайце першым з’явіліся фатаграфіі скінутых над Беларуссю плюшавых мядзведзяў.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары