ДТЗ адбылося сёння ўначы на вуліцы Кунцаўшчына ў Мінску.
Двое п’яных ад’ехалі ад гульнявога клуба ў Мінску толькі на 500 м і разбіліся, паведаміла старшы інспектар па агітацыі і прапагандзе АДАІ Фрунзенскага раёна сталіцы Алена Волчак.
ДТЗ адбылося сёння на вуліцы Кунцаўшчына каля 4.40. Супрацоўнікаў ДАІ выклікаў таксіст, які быў відавочцам здарэння.
Паводле яго словаў, з аднаго з гульнявых клубаў выйшлі двое — жанчына і мужчына. Відавочна, што яны былі п’яныя. Спачатку таксіст падумаў, што яны сядуць да яго ў машыну, але пара вырашыла скарыстацца ўласным аўтамабілем «Нісан Сані». За руль машыны жанчына. Таксіст неадкладна выклікаў ДАІ, а сам паехаў за «п’яным» «Нісанам».
Жанчына разагналася і літаральна праз 500 м урэзалася ў прыпаркаваны ля абочыны «Опель». Удар быў такой сілы, што «Опель» пратараніў яшчэ чатыры аўтамабіля перад сабой.
Жанчына была прышпіленая. Інспектары мяркуюць, што менавіта гэта выратавала ёй жыццё.
З траўмамі грудной клеткі і лёгкайДарэчы, жанчына атрымала правы зусім нядаўна — каля трох месяцаў таму. Яе пасажыр, мужчына, які сядзеў на пярэднім сядзенні, загінуў. Прышпілены ён не быў. Яму было каля 50 гадоў.чэрапна-мазгавой траўмай яе даставілі ў бальніцу хуткай дапамогі.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары