Чыстыя страты прамысловых прадпрыемстваў Беларусі ў студзені-чэрвені 2012 года склалі 1 трлн 251,2 млрд рублёў, што ў 1,9 разу больш за аналагічны леташні паказчык.
Паводле звестак Белстата, сума чыстай страты арганізацый горназдабыўнай прамысловасці склала 8,1 млрд рублёў (на 31,7% больш), апрацоўчай прамысловасці - 1 трлн 165 млрд (на 94,1% больш), вытворчасці і размеркавання электраэнергіі, газу і вады - 78,1 млрд (на 41,7% больш).
Удзельная вага стратных прамысловых прадпрыемстваў у названы перыяд склаў 9,6% супраць 12,9% у студзені-чэрвені 2011-га.Колькасць стратных прадпрыемстваў за год скарацілася з 260 да 193.
Рэнтабельнасць рэалізаванай прадукцыі, работ, паслуг прамысловых прадпрыемстваў за студзень-чэрвень 2012 склала 16,9% (за студзень-чэрвень 2011 года - 14,4%), рэнтабельнасць продажаў - 12,8% (11%).
Выручка ад рэалізацыі тавараў, прадукцыі, работ, паслуг арганізацый прамысловасці ў бягучых цэнах склала 314 трлн 862,5 млрд рублёў, што ў 2,4 разы больш, чым у студзені-чэрвені 2011 года, пры росце цэн вытворцаў прамысловай прадукцыі за гэты перыяд у 2,3 разы.
Чысты прыбытак вырас у тры разы і склаў 26 трлн. 531,9 млрд. рублёў.
Каментары