Nazvali samaha bahataha atleta za ŭsiu historyju suśvietnaha sportu

Apublikavali rejtynh samych vysokaapłatnych spartsmienaŭ u historyi, dzie na pieršym miescy pa-raniejšamu znachodzicca lehiendarny amierykanski baskietbalist Majkł Džordan.

Majkł Džordan. Fota: Andrew Harrer/Bloomberg via Getty Images

Pavodle viersii vydańnia Sportico, sumarnyja dachody šaścirazovaha čempijona NBA Majkła Džordana skłali 3,28 miljarda dalaraŭ (4,5 miljarda z ulikam inflacyi). Za im idzie jašče adna amierykanskaja znakamitaść — halfist Tajhier Vuds z kapitałam u 1,97 miljarda dalaraŭ (2,88 miljarda z ulikam inflacyi).

Śpis trojki spartsmienaŭ-bahaciejaŭ za ŭsiu historyju zaviaršaje partuhalski forvard saudaŭskaha «Al-Nasra» — Kryšcijanu Ranałdu ($2,52 miljarda z ulikam inflacyi).

U top-10 samych vysokaapłatnych spartsmienaŭ z ulikam inflacyi taksama ŭvajšli:

• amierykanski baskietbalist Lebron Džejms (2,03 miljarda);
• arhiencinski napadajučy «Inter Majami» Lijanel Miesi (1,99 miljarda);
• amierykanskija halfisty Arnold Pałmier (1,85 miljarda) i Džek Nikłaus (1,83 miljarda);
• eks-futbalist zbornaj Anhlii Devid Bekchem (1,68 miljarda);
• šviejcarski tenisist Rodžer Fiederer (1,67 miljarda);
• amierykanski baksior Fłojd Mejviezier (1,57 miljarda).

Adzinaj žančynaj u hetym elitnym rejtynhu akazałasia amierykanskaja tenisistka Sierena Uiljams, jana zajmaje 40‑ie miesca z dachodam u 680 miljonaŭ dalaraŭ.

Kamientary da artykuła