«Była ryzyka, što spoźniacca». Biełaruskija halfisty bolš za sutki dabiralisia na turnir u PAR
Holf u Biełarusi raźvivajecca pieravažna na amatarskim uzroŭni. Tym nie mienš biełaruskija spartsmieny rehularna ŭdzielničajuć u mižnarodnych spabornictvach i pakazvajuć hodnyja vyniki. Niadaŭna naša kamanda viarnułasia z Paŭdniovaj Afryki, dzie zaniała piataje miesca na prestyžnym turniry. Heta najlepšy vynik dla biełaruskich holfistaŭ za ŭvieś čas udziełu ŭ hetych spabornictvach.
— BMW Golf Cup World Final — heta najbujniejšy amatarski turnir pa holfie. Amatary — heta nie «hrupa zdaroŭja». Heta spartsmieny, jakija za pieramohi i ŭdzieł u turnirach nie atrymlivajuć hrašovych pryzoŭ, — patłumačyli Onliner u Holf-kłubie «Minsk». — U paŭdniovaafrykanskim horadzie Džordž svaich halfistaŭ pradstaviła 31 dziaržava, ad kožnaj krainy — pa try ŭdzielniki: dva mužčyny i adna žančyna. Nas pradstaŭlali Volha Dzik, Alaksandr Chmialoŭ i Vital Prymak. U turniry dla členaŭ delehacyj vystupili Lidzija Kotkina i Alaksandr Prakarym.
U suviazi z zakryćciom pavietranaj prastory ŭ šerahu krain našy halfisty byli vymušany źmianiać maršrut i dabiracca da miesca praviadzieńnia spabornictvaŭ z tryma pierasadkami: u Maskvie, Kairy i Jochanesburhu. U pavietry jany praviali 15 hadzin, a ŭsio padarožža ŭ PAR zaniało bolš za sutki. Była ryzyka, što kamanda spoźnicca na turnir, ale ŭsio abyšłosia. Jany prylacieli, i ŭžo na nastupnuju ranicu pačalisia spabornictvy. Było składana.
— Halfisty apłačvali ŭdzieł samastojna? — udakładniaju ŭ surazmoŭcy.
— Volha, Alaksandr i Vital stali pieramožcami biełaruskaha nacyjanalnaha adboru, jaki adbyŭsia minułaj vosieńniu. Jany adabralisia pa spartyŭnym pryncypie. U adpaviednaści z damoŭlenaściami z arhanizataram vydatki na pieraloty, pražyvańnie i akredytacyju spartsmienaŭ pakryvaje nakiroŭvajučy bok — Holf-kłub «Minsk» i partnior. Ale jość važny niuans: halfisty mohuć pryniać udzieł u hetym turniry tolki adzin raz. U vyniku čempijonami stali pradstaŭniki Mieksiki, na druhim miescy — kamanda Indyi, na trecim — Kitaja, a biełarusy ŭ kamandnym zaliku zaviaršyli spabornictvy na piataj pazicyi. Jak raspaviali ŭ Holf-kłubie «Minsk», heta najlepšy vynik za piać hadoŭ vystupleńniaŭ na BMW Golf Cup World Final.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary