Polskaja kańkabiežka, jakaja na Alimpijadzie atrymała kańkom pad voka, raskazała, jak heta pieražyła
Situacyja z traŭmavańniem polskaj kańkabiežki Kamiły Sielje, jakaja vystupaje ŭ šort-treku, prymusiła zaŭziataraŭ usiaho śvietu zdryhanucca. Ciapier upieršyniu paśla atrymańnia toj traŭmy jana pakazała svoj šnar i raskazała, jak incydent paŭpłyvaŭ na jaje žyćcio, piša Daily Mail.
Padčas niadaŭnich zimovych Alimpijskich hulniaŭ u italjanskich Miłanie i Karcina d'Ampieca ŭ čverćfinale spabornictvaŭ pa šort-treku na 1500 mietraŭ 25‑hadovaja Kamiła Sielje atrymała surjoznuju traŭmu: kaniok supiernicy razrezaŭ joj tvar. Spartsmienku vynieśli ź lodu na nasiłkach, i ŭsio heta adbyvałasia ŭ žyvym efiry.
Dziaŭčynie zrabili składanuju, ale ŭdałuju apieracyju na vačnicy. Jak adznačajecca, joj jašče pašancavała, bo paškodžańni mahli być i značna ciažejšymi — prynamsi, voka ŭ jaje zastałosia. Raniej Sielje pakazvała tolki «lepšy bok» svajho tvaru, a ciapier vystupiła na polskim telebačańni i adkryta raskazała pra nastupstvy traŭmy.
Kamiła pryznałasia, što ŭ jaje zastaŭsia šnar, a zrok častkova pahoršyŭsia. U vačnicy ŭstalavanaja tytanavaja sietka, taksama jość pierałom kostki pad bryvom. Jana adznačaje, što časta bačyć usio ŭ padvojenym vyhladzie, asabliva kali hladzić uvierch abo ŭniz.
Niahledziačy na heta, spartsmienka nastrojenaja pazityŭna i nie źbirajecca zdavacca. Jana padkreśliła, što joj vielmi dapamahaje padtrymka siamji i ludziej z usiaho śvietu.
Incydent adbyŭsia paśla sutyknieńnia ź viadomymi zorkami šort-treku, u tym liku italjankaj Aryjanaj Fantana i amierykankaj Krysten Santas-Hrysvałd. Padčas honki spabornictvy prypynili, kab akazać dapamohu paciarpiełaj.
Samaje žachlivaje zdareńnie na Alimpijadzie. Polskaja spartoŭka atrymała kańkom u voka
U alimpijskaj čempijonki Hanny Huśkovaj pierad Alimpijadaj pamierła mama
Lindsi Von raskazała, jak jaje nahu vyratavali ad amputacyi
Usie hulcy zbornaj Kanady vyjšli na lod, kali šviejcarskaha chakieista vynosili ź placoŭki
Italjanskaja harnałyžnica stała alimpijskaj čempijonkaj, mienš čym za hod adnaviŭšysia paśla ciažkaha pierałomu
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary