«Karaciej, žopa!»: praŭładnaja mastačka Śviatłana Žyhimont sabrałasia ŭ Rasiju na mašynie

Pakutuje praz toje, što nie paśpieła nabyć tannyja kanistry dla «stratehičnaha zapasu» bienzinu ŭ kramie aršanskaj kałonii.

Śviatłana Žyhimont. Fota: obitel-minsk.ru

Praŭładnaja mastačka Śviatłana Žyhimont, viadomaja svajoj nieluboŭju da ŭsiaho biełaruskaha i jaraja fanatka ruskaha śvietu, padzialiłasia płanami ŭ svaim telehram-kanale.

Jana raspaviała, što ŭ chutkim časie płanuje razam z mužam pajechać u Rasiju na mašynie. Śviatłana zachaplajecca vajnoj i navat maluje partrety rasijskich vajskoŭcaŭ. Ale ž naviny pra toje, što nie ŭsio tak dobra ŭ Rasii, dajšli i da jaje.

Mastačka pryznałasia, što jašče miesiac tamu pačała piłavać muža Paŭła nakont taho, što treba zrabić stratehičny zapas bienzinu — a dla hetaha nieabchodna nabyć kanistry. Ale toj pytańnie sabatavaŭ, bo płanavaŭ tanna kupić ich u Oršy ŭ kramie kałonii.

Kaža, u Minsku ŭ toj čas 20‑litrovyja kanistry pradavali pa 60 rubloŭ, a ŭ Oršy ŭ kramie, dzie handlujuć vyrabami źniavolenych — pa 47. Ale pakul muž z žonkaj dumali, usie tannyja raskupili.

«Siońnia byli ŭ aŭtakramie na Niakrasava, tam pierakupy prapanujuć za dvaccacilitrovuju addać ad 150 da 170 rubloŭ. Znajšli na adnoj zapraŭcy za 96 rubloŭ dźvie apošnija, kupili i rady. Karaciej, žopa», — napisała Śviatłana.

Kamientary da artykuła