Na minułym tydni była pryznačanaja novaja dyrektarka Nacyjanalnaha mastackaha muzieja, a ciapier stała viadoma, što ŭ muziei adkryjecca vystaŭka praŭładnaj i pravajennaj mastački Śviatłany Žyhimont, čyimi ahitkami raniej hrebavali ŭ prafiesijnaj supolnaści. Ale vyjaviłasia, što nie ŭsio tak prosta.
Žyhimont doŭhi čas śćviardžała, što jaje tvorčaści nie dajuć chodu «ideałahičnyja dyviersanty», jakija nibyta ŭ Minkultury i staličnych halerejach vyrašali pytańni vystavak. U svaich paviedamleńniach mastačka abvinavačvała art-supolnaść u «prasoŭvańni vystavaŭ z h*ŭna i pałak» i ŭ łabijavańni ideałahična niapravilnych aŭtaraŭ, tady jak jaje «patryjatyčnyja» raboty zastajucca biez uvahi. U vyniku apošnija hady Žyhimont vystaŭlałasia pieravažna ŭ Rasii.
Adnak ciapier situacyja źmianiłasia: mastačka abviaściła adkryćcio svajoj vystavy ŭ hałoŭnym mastackim muziei krainy — pryčym zrabiła heta litaralna za piać dzion da mierapryjemstva.
«Da apošniaha momantu ŭsio było chistka i niezrazumieła…», — napisała praŭładnaja mastačka. Adnak nijakaha anonsu vystavy na sajcie muzieja dahetul niama.
Mahło stvarycca ŭražańnie, što vystava stała mahčymaj dziakujučy pryznačeńniu novaj dyrektarki muzieja Iryny Macias, žonki ahladalnika ANT Alaksandra Maciasa, i nibyta z hetym źviazanaj źmienaj kirunku ŭ pracy.
Adnak hetyja zdahadki abvierhła Śviatłana Karulskaja, karespandentka telekanała ANT u Maskvie i siabroŭka siamji Maciasaŭ. Pavodle jaje słoŭ, anansavanaja vystava nie źviazana z prychodam novaj dyrektarki. Heta prajekt, padrychtavany jašče pry papiaredniaj kiraŭnicy.
«Heta jakraz paskrobak niadaŭna zvolnienaj Hanny Konanavaj. Jaje, tak by mović, raźvitalnaja hastrol», — adznačyła Karulskaja ŭ sacsietkach.
Žyhimont nie pramaŭčała i rezka adreahavała na dopis Karulskaj, jaki ŭskryŭ unutranyja kanflikty ŭ muziejnaj śfiery. Jana abvinavaciła žurnalistku ŭ tym, što jaje słovy stvarajuć uražańnie, byccam Nacyjanalny mastacki muziej — heta «miestačkovy rynak, dzie chabałki hryzuć adna adnoj horła». I papraknuła Karulskuju, što jaje abureńnie vyklikała vystava, «prymierkavanaja da 80‑hodździa Vialikaj Pieramohi».
Jakija mienavita tvory Žyhimont padrychtavała da vystavy, pryśviečanaj pieramozie nad nacyzmam, pakul nieviadoma. Adnak raniej jana stvaryła cełuju sieryju vajennych partretaŭ «Rodnyja tvary», madelami dla jakoj stali ŭdzielniki napadu na Ukrainu.
Nahadajem, što Hanna Konanava, jakaja ŭznačalvała muziej z 2023 hoda, pavodle nieaficyjnaj infarmacyi, była zvolnienaja paśla pravierki, jakuju praviała vice-premjerka Natalla Piatkievič. Kažuć, što padčas vizitu čynoŭnica zastałasia niezadavolenaja ŭzroŭniem paradku va ŭstanovie.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary