Tramp: ZŠA voźmuć Armuzski zaliŭ pad kantrol i zabiaśpiečać jaho achovu. Ale nie zadarma

Prezident ZŠA Donald Tramp u efiry telekanała Fox News zajaviŭ, što Złučanyja Štaty majuć namier uziać pad kantrol Armuzski praliŭ i harantavać jaho biaśpieku.

Donald Tramp. Fota: Win McNamee/Getty Images

Pa słovach amierykanskaha lidara, paśla niadaŭnich udaraŭ pa iranskich abjektach Vašynhton hatovy i nadalej žorstka reahavać na lubyja pahrozy z boku Irana. Donald Tramp taksama śćviardžaje, što raniej pamiž ZŠA i Iranam isnavali damoŭlenaści, ale, na jaho dumku, iranski bok ich nie vykonvaŭ.

Jon adznačyŭ, što ZŠA ŭžo šmat hadoŭ faktyčna harantavali biaśpieku sudnachodstva ŭ Armuzskim pralivie, adnak nie atrymlivali za heta nijakaj apłaty. Ciapier, pavodle jaho, situacyja pavinna źmianicca: krainy, jakija karystajucca hetym maršrutam i padtrymlivajuć ZŠA, musiać kampiensavać vydatki na jaho achovu.

Raniej paviedamlałasia, što amierykanskija vojski nanieśli ŭdary pa bolš čym sotni abjektaŭ u Iranie ŭ adkaz na rakietnuju ataku na sudna ŭ Armuzskim pralivie. Siarod celaŭ byli rakietnyja i bieśpiłotnyja puskavyja ŭstanoŭki, składy bojeprypasaŭ i srodki suviazi. Paśla hetaha Iran abviaściŭ pra poŭnaje zakryćcio Armuzskaha praliva dla sudnachodstva.

Kamientary da artykuła