Znaki prypynku
* * *
«I ja durań, i ty durań», — skazaŭ jon, napałovu skazaŭšy praŭdu.
* * *
Viedańnie taho, što my nikoli nia skončymsia, nia źnikniem, dajecca nam jašče da žyćcia, da ziamnoha losu — i jano, toje viedańnie, na čas žyćcia zabytaje ci adniataje, palahaje ŭ asnovie našych fantazij pra nieŭmiručaść. Kali nie pra nieŭmiručaść nas takich, jakija my jość, dyk pra nieŭmiručaść nas niejkich inšych, jakimi my ŭ toj nieŭmiručaści (viečnaści dušy) staniem… Tak jość, tak pavinna być, bo inakš my nie advažylisia b mieć tych, pra kaho niemahčyma, nievynosna dumać, što niekali ich nidzie nia budzie, — dziaciej i kachanych. Tak jość, bo inačaj my — varjaty.
* * *
Ryhor Baradulin zvonić i prahavorvaje ŭ niekaha vyčytanaje:
«Jakim by vieličnym ni ŭjaŭlaŭsia tron — usio adno na im siadzić zadnica».
* * *
Žyvoje i abortnaje.
* * *
U 1920 hodzie pad Varšavaj naśmierć bilisia Biełaruska-litoŭski połk z boku palakaŭ i 1-šy Omski połk z boku rasiejcaŭ. I ŭ adnym, i ŭ druhim bolšaściu — biełarusy.
Rezalisia tak zaciata, što mała chto acaleŭ…
Za što rezalisia?
Palaki — za polskaje, rasiejcy — za rasiejskaje…
Biełarusy za čyjo?
* * *
Radzima — razumieńnie škodnaje.
* * *
«Danos słuhi pieražyvie Valtera», — kazaŭ hramadzianin Fuše, ministar palicyi va ŭradzie Dyrektoryi, jaki ŭsio viedaŭ pra danosy. «Chudy ź ziemlanistym tvaram trupa i dušoj demana, drapiežnym nosam, uśmieškaj u tonka ścisnutych hubach, z vałasami i brovami biaz koleru i biaskolernymi, rybinymi vačyma», jak apisvaje jaho Bamarše. I vidać z apisańnia, jak pieršy dramaturh Francyi baicca hałoŭnaha palicyjanta, bo ŭ Fuše na Bamarše — šafa danosaŭ.
Bamarše kazaŭ: «Kali vydać sapraŭdy poŭnyja zbory tvoraŭ našych piśmieńnikaŭ, dyk samym abjomistym u mnohich budzie apošni tom z załatym ciśnieńniem: «Danosy».
* * *
Hruzin siabie najlepiej pačuvaje, źjeŭšy šašłyk ź vinom, a biełarus — zžoršy biełarusa z h…om.
Svojeasablivaści nacyjanalnaj kuchni.
* * *
Ź finskaha antyalkaholnaha zakonu:
«Zabaraniajecca skarystoŭvać alkahol z metaj apjanieńnia».
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku12
Kamientary