U Minsku ŭzarvaŭsia katedž na bierazie Cnianki + foty i videa
Budaŭnik, jaki pracavaŭ ŭ katedžy ŭ momant vybuchu, špitalizavany z apiokami.
Incydent adbyŭsia ŭ dvuchpaviarchovym katedžy, što budujecca, pa vulicy Pastaŭskaj ŭ Minsku. Dom praktyčna razburany, jon skłaŭsia, niby kartačny. Šyby ŭ susiednich chatach nie paškodžany.
Heta elitnaja vulica ŭ rajonie Cnianskaha vadaschovišča. Siarod inšych, na joj znachodzicca rezidencyja pasła Polščy. Pobač na Kalcova mieścicca pasolstva Indyi.
«Siońnia ŭ 11.26 pastupiła telefanavańnie ad miedykaŭ. Paviedamili, što jość paciarpieły 1984 hoda naradžeńnia, jaki atrymaŭ termičnyja apioki kiściej ruk, tvaru, šyi 1-3-j stupieni. Jon byŭ špitalizavany», — paviedamiŭ ahienctvu BiełaPAN pres-sakratar MNS Vital Navicki. Paciarpieły — budaŭnik, jaki pracavaŭ ŭ katedžy ŭ momant vybuchu.
Ratavalniki zafiksavali abvalvańnie dachu, ścien i pierakryćciaŭ katedža na płoščy 100 kv. m. Na miescy pracavali 16 adzinak techniki i 57 ratavalnikaŭ, u tym liku kinałahičnaja słužba. «Nie było dakładnaj infarmacyi, ci znachodzilisia jašče ludzi ŭ budynku, tamu była vyklikanaja kinałahičnaja hrupa», — adznačyŭ Navicki. Jon dadaŭ, što miarkujučy pa ŭsim, u domie pravodzilisia ramontnyja raboty, na miescy byŭ znojdzieny hazavy bałon.
Susiedzi adznačajuć, što haz u domie nie byŭ padklučany. Darečy, jany nie viedajuć, chto haspadar hetaha budynka.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary