Tolki 0,1% biełarusaŭ ličać siabie bahatymi, śviedčać źviestki sacyjałahičnaha manitorynhu Instytuta sacyjałohii Nacyjanalnaj akademii navuk.Ab hetym paviedamiŭ dyrektar Instytuta sacyjałohii NANB, doktar sacyjałahičnych navuk, prafiesar Ihar Katlaroŭ 21 lutaha na
Da ludziej ź siarednim dastatkam siabie pryličvajuć 57% biełarusaŭ.
Kala 35% žycharoŭ Biełarusi ličać siabie biednymi abo navat žabrakami,7–8% nie zmahli adkazać na pytańnie.
Jak padkreśliŭ Katlaroŭ, razmova idzie mienavita ab uspryniaćci biełarusami ŭłasnaj finansavaj zamožnaści, a nie ab realnych dachodach. Tak, «staraja ŭ zakinutaj vioscy ŭ ciełahrejcy, z kazoj i parasiom» adkazała, što ŭ jaje siaredni dastatak, tady jak niekatoryja bankaŭskija rabotniki mahli śćviardžać, što jany biednyja.
Pavodle słoŭ śpiecyjalista, vyvučeńnie ŭspryniaćcia finansavaj zamožnaści nasielnictva daje adkaz na mnohija pytańni.«Ludzi, jakija ličać siabie bahatymi i ź siarednim dastatkam, nie pojduć na demanstracyi i zabastoŭki. Jany bajacca stracić toje, što jość. Jany bolš zakonapasłuchmianyja, jany pavažajuć zakon, ułady. I ŭ toj ža čas tyja, jakija ličać siabie biednymi, bolš radykalna nastrojeny», — skazaŭ Katlaroŭ.
Jon adznačyŭ, što z 1990 hoda, kali pačali pravodzicca takija apytańni, raście kolkaść biełarusaŭ, jakija ličać siabie ludźmi ź siarednim dastatkam. Vyklučeńnie składajuć tyja hady, kali adznačalisia kryzisnyja źjavy ŭ ekanomicy Biełarusi. «Tut uźnikaje pytańnie: ci my pryvykajem da taho, jak žyviem, ci nam sapraŭdy stanovicca žyć lepš», — prakamientavaŭ dyrektar Instytuta sacyjałohii NANB.
Kamientary