Толькі 0,1% беларусаў лічаць сябе багатымі, сведчаць звесткі сацыялагічнага маніторынгу Інстытута сацыялогіі Нацыянальнай акадэміі навук.Аб гэтым паведаміў дырэктар Інстытута сацыялогіі НАНБ, доктар сацыялагічных навук, прафесар Ігар Катляроў 21 лютага на
Да людзей з сярэднім дастаткам сябе прылічваюць 57% беларусаў.
Каля 35% жыхароў Беларусі лічаць сябе беднымі або нават жабракамі,7–8% не змаглі адказаць на пытанне.
Як падкрэсліў Катляроў, размова ідзе менавіта аб успрыняцці беларусамі ўласнай фінансавай заможнасці, а не аб рэальных даходах. Так, «старая ў закінутай вёсцы ў целагрэйцы, з казой і парасём» адказала, што ў яе сярэдні дастатак, тады як некаторыя банкаўскія работнікі маглі сцвярджаць, што яны бедныя.
Паводле слоў спецыяліста, вывучэнне ўспрыняцця фінансавай заможнасці насельніцтва дае адказ на многія пытанні.«Людзі, якія лічаць сябе багатымі і з сярэднім дастаткам, не пойдуць на дэманстрацыі і забастоўкі. Яны баяцца страціць тое, што ёсць. Яны больш законапаслухмяныя, яны паважаюць закон, улады. І ў той жа час тыя, якія лічаць сябе беднымі, больш радыкальна настроены», — сказаў Катляроў.
Ён адзначыў, што з 1990 года, калі пачалі праводзіцца такія апытанні, расце колькасць беларусаў, якія лічаць сябе людзьмі з сярэднім дастаткам. Выключэнне складаюць тыя гады, калі адзначаліся крызісныя з’явы ў эканоміцы Беларусі. «Тут узнікае пытанне: ці мы прывыкаем да таго, як жывем, ці нам сапраўды становіцца жыць лепш», — пракаментаваў дырэктар Інстытута сацыялогіі НАНБ.
Цяпер чытаюць
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары