Vypusknik amierykanskaj škoły trapiŭ u knihu Hinesa, raźbiŭšy łbom 142 jajki — videa
Vypusknik siaredniaj škoły z ZŠA trapiŭ u Knihu rekordaŭ Hinesa.
Skot Dejmroŭ pabiŭ papiaredni rekord raźbivańnia jajek hałavoj, źniščyŭšy svaim iłbom 142 jajki. Niekalki hadoŭ jon chacieŭ stać rekardsmienam knihi Hinesa, i tolki ŭ siaredzinie sakavika 2013 h. jamu heta ŭdałosia.
«Maja hałava prosta aniamieła, — pryznaŭsia Dejmrou paśla šou. — Ja nie razumieŭ, što mocna parezaŭsia škarłupinaj, tamu što adčuvaŭ niejmavierny pryliŭ adrenalinu». U škole jon zajmaŭsia futbołam, što, mahčyma, dapamahło jamu ŭ nialohkaj spravie raźbivańnia jajek.
Papiaredni rekord byŭ roŭny 130 jajkam, pabitym hałavoj. Dejmrou sprabavaŭ pabić hety rekord raniej, ale paciarpieŭ niaŭdaču, raźbiŭšy 130 jajek tolki za 70 siekund. Tady školnik pačaŭ uparta treniravacca na stale ŭ maminym restaranie i pabiŭ rekord.
Ideja trapić u Knihu rekordaŭ Hinesa pryjšła Skotu Dejmroŭ i jaho siabram u 2011 hodzie. Jany sprabavali vyjhravać, naprykład, u biehu na 200 mietraŭ uślapuju, ale nie zmahli prabiehčy chutčej za astatnich. Taksama jany ŭdzielničali ŭ spabornictvie pa jaździe na tačcy, ale pravalilisia.
U lutaha 2012 hoda Skota zaprasili na zdymki ŭ televizijnaj prahramie, pryśviečanaj rekordam Hinesa. Jamu apłacili pajezdku, i Dejmrou pahadziŭsia. Sa słovaŭ baćki «źniščalnika jajek», jon nie sumniavaŭsia ŭ synie. Jon dadaŭ, što Skot zaŭsiody staviŭ sabie vysokija mety i damahaŭsia ich.
Kamientary