Łukašenka zvolniŭ Kamiankova z pasady staršyni Vyšejšaha haspadarčaha suda
Viktar Kamiankoŭ zajmaŭ hetuju pasadu z kastryčnika 2001 hoda.
Adpaviedny ŭkaz padpisany 14 červienia, paviedamili ŭ prezydenckaj pres-słužbie.
Kamiankoŭ zajmaŭ hetuju pasadu z kastryčnika 2001 hodu.
Pryčynu adstaŭki ŭ pres-słužbie karespandentu «Svabody» nie patłumačyli. Taksama tam nie paviedamili, chto budzie pryznačany zamiest Kamiankova.
57-hadovy Kamiankoŭ pachodzić z Mahiloŭščyny. U 2006 hodzie jaho abrali staršynioj Biełaruskaha sajuzu jurystaŭ. U traŭni razam ź vice-premjeram Piatrom Prakapovičam Viktar Kamiankoŭ ačoliŭ Radu praduchileńnia bankructva.
Viktar Kamiankoŭ, adzin ź niamnohich čynoŭnikaŭ, jaki maje svoj błoh. Tam jon siarod inšaha raźmiaściŭ vinšavańnie z novym 2013 hodam i pažadaŭ lubyja padziei ŭsprymać «spakojna». Taksama jon pažadaŭ «padnačalenym — mudrych načalnikaŭ».
Viktar Kamiankoŭ źjaŭlajecca składalnikam knih «Biblija pra siamju i dla siamji» «Biblija ŭ pravasudździ».
U 2009 hodzie Kamiankoŭ z nahody taho, što mienskija haradzkija ŭłady adbirajuć budynak u carkvy «Novaje žyćcio», zajaviŭ Svabodzie, što prablemy viernikaŭ palahajuć «za miežami sudovaj vytvorčaści».
Jašče raniej, u 2006 hodzie, kali Vyšejšy haspadarčy sud admoviŭ niezaležnym hazetam u raspaŭsiudzie praź dziaržaŭnuju sietku-manapalista, Kamiankoŭ zajaviŭ karespandentu Svabody: «Takaja jakaść, jak litaść, kali jana budzie ŭ sudździ haspadarčaha sudu, pryviadzie da chaosu nia tolki ŭ systemie pravasudździa, ale i ŭ dziaržavie naahuł».
* * *
Viktar Kamiankoŭ — nar. u 1956 u Mahiloŭskaj vobłaści, biełarus. Adukacyja — vyšejšaja. Siaredniuju škołu skončyŭ z załatym miedalom i ŭ 1973 hodzie pastupiŭ na jurydyčny fakultet Biełaruskaha dziaržaŭnaha univiersiteta, jaki skončyŭ u 1978 hodzie.
Prafiesijnuju dziejnaść pačynaŭ stažoram ŭ prakuratury Kastryčnickaha rajona Mahilova. Z 1983 pa 1987 hod — staršy pamočnik prakurora Mahiloŭskaj vobłaści. Z 1993 pa 1997 — namieśnik Staršyni Vyšejšaha Haspadarčaha Suda. Ź lutaha 1997 — pieršy namieśnik Staršyni Vyšejšaha Haspadarčaha Suda.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary