Užo były hałoŭny trenier BATE Viktar Hančarenka, jaki zaklučyŭ kantrakt na 4,5 hoda z rasijskim futbolnym kłubam «Kubań», źviarnuŭsia da zaŭziataraŭ biełaruskaha kłuba.
«Pavažanyja zaŭziatary FK BATE! Prajšło amal šeść hadoŭ z taho momantu, kali ja ŭznačaliŭ kamandu [listapad 2007 h. — NN]. Za hety čas my z vami dabilisia mnohaha.
Hałoŭny vynik u tym, što BATE staŭ vizitnaj kartkaj futbolnaj Biełarusi, paznavalnym u Jeŭropie brendam.
Ale heta było b niemahčyma biez vašaj haračaj padtrymki, biez toj atmaśfiery, jakaja ŭvieś čas panavała na matčach z udziełam BATE.
U našaha trenierskaha štaba byli fajnyja adnosiny z futbalistami. My zaŭsiody viedali, na kaho i pry jakich abstavinach možna spadziavacca. Heta źjaŭlałasia załohamusich pieramoh. Našy pośpiechi nie byli b mahčymyja biez takich mudrych ludziej, jak Anatol Kapski i Alaksandr Zacharčanka [staršynia praŭleńnia BATE i namieśnik staršyni praŭleńnia — NN]. Anatol Anatolevič tonka adčuvaŭ hrań, kali možna było padtrymać čałavieka, pahładzić pa hałavie, a kali - i zakrucić hajki. Da Alaksandra Viktaraviča, jaki zvyčajna znachodziŭsia ŭ cieni, zaŭsiody možna było źviarnucca pa paradu. Ja ŭdziačny administracyjnamu štabu našaj kamandy, čyj prafiesijanalizm zaŭsiody byŭ pradmietam majho admysłovaha honaru.
Z adnaho boku, z horyčču davodzicca kanstatavać, što rasstajusia z cudoŭnymi ludźmi, jakija pracujuć u kłubie, z vydatnymi futbalistami, ź jakimi mnie paščaściła prajści vialiki i zapaminalny šlach.
Adnak, ź inšaha, razumieju: šeść hadoŭ dla pracy treniera na adnym miescy — vialiki termin.
Tamu nadyšoŭ čas rasstavańnia. Trenierskaja dola takaja, što nielha zastojvacca, treba šukać šlachi dla dalejšaha samaŭdaskanaleńnia. Ja pakidaju kłub, u jakim mnie zaŭsiody było ŭtulna i kamfortna pracavać. Tym nie mienš FK BATE zastaniecca ŭ maim sercy nazaŭsiody», — cytuje słovy Viktara Hančarenki pres-słužba BATE.
Praz tydzień, 20 kastryčnika, «Kubań» pieršy matč pad kiraŭnictvam novaha treniera (Hančarenku budzie dapamahać były trenier BATE i «Minska» Vadzim Skrypčanka) praviadzie ŭ Maskvie suprać «Dynama».
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki1
Kamientary