Na składzie pad Barysavam rastuć składskija zapasy «Džyli» biełaruskaj zborki
U Minskim abłvykankamie ličać adnym z samych paśpiachovych inviestycyjnych prajektaŭ SZAT «BiełDžy» ŭ Barysavie.
Na hetym pradpryjemstvie, raźmieščanym na terytoryi druhoj placoŭki zavoda «Aŭtahidraŭzmacnialnik», pracuje 57 čałaviek. Jany sabrali ŭžo niekalki sotniaŭ aŭtamabilaŭ z hatovych mašynakamplektaŭ, što pryvoziacca moram z Kitaja praź litoŭski port Kłajpieda.
Častku aŭtamabilaŭ ŭdałosia realizavać. Bolšaść kupili dziaržstruktury. Samym bujnym aptovym pakupnikom stała Ministerstva pa nadzvyčajnych situacyjach. Nabyvajuć aŭtamabil i fizičnyja asoby. Adnak skazać, što kitajskija mašyny z Barysava raschoplivajuć jak haračyja piražki, pakul nielha. Pra heta śviedčać zdymki, zroblenyja na adnoj z achoŭnych stajanak za horadam. Siudy zvozicca pradukcyja SZAT «BiełDžy», jakaja pakul nie znajšła svajho pakupnika i jakaja vidavočna nie źmiaščajecca na ŭłasnych vytvorčych płoščach.
Viadoma, nierealizavanych kitajskich mašyn «Džyli» pakul značna mienš, čym nierealizavanych traktaroŭ «Biełaruś», ale ich kolkaść (a aŭtamabilaŭ na achoŭnaj stajancy bolš za sotniu) taksama ŭražvaje.
Raniej paviedamlałasia, što ŭ apošnim kvartale hetaha hoda ŭ Barysavie źbiaruć až try tysiačy lehkavych kitajskich aŭtamabilaŭ. A na praciahu 2014—2015 hadoŭ u Pierasadach pad Barysavam maje być pabudavany aŭtazavod vytvorčaj mahutnaściu 120 tysiač mašyn u hod.
Ale ci chopić achoŭnych stajanak?
Kamientary