Milicejskaja hazieta: Ctaličny piedafił spakusiŭ 10 tysiač dziaciej

Da 17 hadoŭ pazbaŭleńnia voli pryhavorany piedafił, «jaki amal pierasiahnuŭ 60-hadovy rubiež», paviedamlaje hazieta MUS «Na stražie». 

Pieryjad dakumientavańnia złačynnaj dziejnaści, rasśledavańnia kryminalnaj spravy i sudovych razhladaŭ doŭžyŭsia kala troch hadoŭ. Zaraz viadziecca rasśledavańnie ŭ dačynieńni da niekalkich zmoŭščykaŭ asudžanaha.

Abodva asudžanych — u minułym vychavancy dziciačaha doma ŭ Kobrynie, z 1989 pa 2002 hady trojčy sudzimyja za ŭčynieńnie raspusnych dziejańniaŭ ź niepaŭnaletnimi i inšyja złačynstvy — hvałtavali padletkaŭ u padvale doma, abstalavanym pad majsterniu, dzie vyrablalisia na prodaž u Rasiju padroblenyja antykvarnyja bronzavyja statuetki.

Mužčyny šukali achviar na vulicach stalicy, a ŭ ciopły čas hoda jeździli pa krainie, zavodziačy znajomstva ź viaskovaj moładździu. Padletkam pradstaŭlalisia trenierami pa viełasporcie i futbole, zaprašali zapisacca ŭ ich siekcyju.

Dla pierakanaŭčaści na ścienach u padvale byli raźviešanyja niekalki rovaraŭ i płakataŭ adpaviednaj tematyki, była zakuplena spartyŭnaja forma. Na pieršy pohlad takija zaniatki nie vyklikali padazreńniaŭ navat u baćkoŭ, niekatoryja ź ich sami pryvodzili dziaciej na «treniroŭki».

Jak paviedamlaje «Na varcie», asudžany admoviŭsia nazvać dakładnuju kolkaść svaich achviar. Adnak u znojdzienych u jaho natanikach, kudy jon zapisvaŭ imiony, proźviščy, uzrost i miesca žycharstva dziaciej, było vyjaŭlena kala 800 imionaŭ.

Pry hetym viadoma, što dva natatniki, jakija piedafił pačaŭ vieści jašče ŭ pačatku 2000- ch hadoŭ, byli źniščany. Mnohija paciarpiełyja — ciapier užo paŭnaletnija, admovilisia ad śviedčańniaŭ. Chtości abzavioŭsia svajoj siamjoj i nie chacieŭ uspaminać ab tym, što zdaryłasia, a niekatoryja pastajanna prychodzili da «treniera» ŭžo pa ŭłasnym žadańni. U vyniku kolkaść achviar złačynca, jakija pahadzilisia vystupić u sudzie, skłała mienš za 40.

Druhi fihurant nie staŭ chavać kolkaść padletkaŭ, jakich jon spakusiŭ za dziesiać hadoŭ: 8-10 tysiač chłopčykaŭ. Bolšaść ź niaščasnych siemjaŭ.

Pieravažnaja častka achviar va ŭzroście 11-14 hadoŭ, ale byli i maładziejšyja dzieci (samamu małomu ledź spoŭniłasia siem). Ahułam pa spravie druhoha abvinavačanaha dapytana kala 1.200 čałaviek, praŭda, śviedčyć suprać piedafiła ŭ sudzie, buduć tolki 50-60 paciarpiełych.

• 0
• 0
• 0
• 0
• 0
• 0
• 0
• 0