Eks-prezident Kyrhyzstana Kurmanbiek Bakijeŭ zavočna prysudžany ŭ krainie da 25 hadoŭ pazbaŭleńnia voli za arhanizacyju zamachu na hramadzianina Vialikabrytanii Šona Dejli.
Brat byłoha prezidenta Žanybiek Bakijeŭ pa hetaj spravie prysudžany da pažyćciovaha pazbaŭleńnia voli z kanfiskacyjaj majomaści.
Starejšy syn byłoha kiraŭnika dziaržavy Marat Bakijeŭ prysudžany da 20 hadoŭ kałonii z kanfiskacyjaj majomaści, małodšy syn Maksim Bakijeŭ — da pažyćciovaha pazbaŭleńnia voli z kanfiskacyjaj majomaści, paviedamlaje Unian.net.
Śledstvam było ŭstanoŭlena, što ŭ 2005 hodzie siamja Bakijevych vyrašyła zavałodać załatarudnym radovišča Džeruj u Tałaskaj vobłaści Kyrhyzstana, jakoje na toj momant naležała kampanii Oxus Gold. Jaje kiraŭnikom źjaŭlaŭsia brytanski hramadzianin Dejli, i siamja Bakijevych vyrašyła jaho likvidavać, adznačajecca ŭ spravie.
«U Dejli ŭ 2006 hodzie było zroblena 6 strełaŭ ź pistaleta kalibra 5,6, adnak dziakujučy svoječasova akazanaj miedycynskaj dapamohi inšaziemiec vyžyŭ», — adznačyli ŭ sudzie, jaki vynosiŭ prysud.
Prezident Bakijeŭ byŭ zrynuty ŭ vyniku revalucyi ŭ krasaviku 2010 hoda. Razam ź im respubliku pakinuli Žanybiek Bakijeŭ, jaki ŭznačalvaŭ Słužbu dziaržaŭnaj achovy; jaki pracavaŭ da hetaha namieśnikam staršyni dziaržkamiteta nacyjanalnaj biaśpieki Marat Bakijeŭ i jaki kiravaŭ Centralnym ahienctvam pa raźvićci inviestycyj i inavacyj Maksim Bakijeŭ.
Kurmanbiek Bakijeŭ ź nieaficyjnaj žonkaj i dvuma dziećmi pryjechaŭ u Biełaruś pa asabistym zaprašeńni Alaksandra Łukašenki 19 krasavika 2010 hoda.
Kurmanbiek Bakijeŭ, jaho brat Žanybiek, syn Marat i inšyja nabližanyja zavočna byli abvinavačanyja ŭ masavym zabojstvie, spałučanym ź pieravyšeńniem słužbovych paŭnamoctvaŭ, i abjaŭleny ŭ mižnarodny vyšuk.
Novyja ŭłady Kyrhyzstana nieadnarazova źviartalisia ŭ Hienprakuraturu Biełarusi z prośbaj ab vydačy Bakijeva, ale atrymlivali admovu. Na dumku biełaruskaha boku, pravavych padstaŭ dla zadavalnieńnia prośby ab vydačy Bakijeva niama.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč27
Kamientary