Bolš za 10 tysiač žycharoŭ Kryvoha Roha ŭ subotu sabralisia la budynka harvykankama, dzie pravodziać mitynh «Za adzinuju Ukrainu».
Mitynh pačaŭsia z vykanańnia himna Ukrainy. Jaho ŭdzielniki trymali dziaržaŭnyja ściahi Ukrainy, ściahi horada Kryvy Roh, byŭ taksama ściah krymskich tataraŭ. Siarod płakataŭ, jakija trymali ŭdzielniki: «Kryvy Roh — heta Ukraina», «Kryvaražanie — za mir i adzinuju Ukrainu».
Ludzi, jakija sabralisia śpiavali ŭkrainskija pieśni, słuchali vieršy. Pierad udzielnikami mitynhu vystupali śviatary, a taksama pradstaŭniki Majdana z Dnieprapiatroŭska, hramadskija dziejačy z Kryvoha Roha. Davoli šmat tych, chto pryjšoŭ na mitynh, byli ŭ nacyjanalnych kaściumach.
Jak paviedamiŭ vykonvajučy abaviazki namieśnika kiraŭnika Dnieprapiatroŭskaj abłdziaržadministracyi Śviatasłaŭ Alejnik, abstanoŭka na mitynhu ŭ Kryvym Rohu była dosyć spakojnaja.
«Ludzi vyjšli na mitynh dla taho, kab pakazać, što nijaki sieparatyzm ŭ Kryvym Rohu i Dnieprapiatroŭskaj vobłaści nie projdzie», — skazaŭ jon.
Pa słovach arhanizataraŭ mitynhu, ich akcyja — heta procipastaŭleńnie prarasijskamu mitynhu, jaki byŭ zajaŭleny ŭ socsietkach i ŭlotkach u padtrymku tak zvanaj Danieckaj narodnaj respubliki. Jon płanavaŭsia apoŭdni suboty kala budynka harsavieta. Na dumku Alejnika, anansavany prarasiejski mitynh, jaki tak i nie adbyŭsia, — heta peŭnaja internet-pravakacyja.
«U katory raz pasprabavali pravieryć, nakolki možna raschistać situacyju ŭ Dnieprapiatroŭskaj vobłaści, i heta nie prajšło», — skazaŭ jon.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary